KESHO MGENI RASMI MAKAMU WA RAIS SIKU YA MAZINGIRA DUNIANI TAYARI AWASILI MKOANI MARA.

Makamu wa Rais Mama Samia Suluhu Hassan akipokelewa na Mkuu wa Mkoa wa Mara Dkt Charles Mlingwa hii leo baada ya kuwasili Butiama kwa ajili ya Kufunga  kesho Maadhimisho ya Siku ya Mazingira Duniani ambapo Kitaifa yamefanyika Mkoani Mara Wilayani Butiama.

 

 Mama Samia akisalimiana na Naibu Waziri wa Ardhi, Nyumba na Maendeleo ya Wakazi Mh Angeline Mabula

Makamu wa Rais akisalimiana na Waziri wa Nchi Ofisi ya Makamu wa Rais Muungano na MazingiraJanuary Makamba  baada ya kuwasili Wilayani Butiama.

 

 

Makamu wa Rais wa Jamhuri ya Muungano wa Tanzania Mhe Samia Suluhu Hassan amewasili mkoani Mara alasiri ya leo 3-June-2017 akitokea mkoani Mwanza ambapo hapo kesho atakuwa ni mgeni rasmi katika kilele cha Siku ya Mazingira Duniani.

Alipowasili kijijini Butiama, Makamu wa Rais Mhe Samia Suluhu Hassan amepokelewa na Viongozi wa vyama vya siasa na watendaji mbalimbali wa Serikali ambao wameongozwa na Mkuu wa mkoa wa Mara Dkt Charles Mlingwa pamoja na Waziri wa Nchi, Ofisi ya Makamu wa Rais, Muungano na Mazingira January Makamba.

Makamu wa Rais pia amepokea taarifa ya maendeleo ya mkoa wa Mara na amepata fursa ya kuwasha mshumaa na kuweka shada la maua katika kaburi la baba wa Taifa Hayati Julius Nyerere lililopo Mwitongo kijijini Butiama.

Hapo kesho tarehe 4-June-2017 Makamu wa Rais Mhe Samia Suluhu Hassan ataongoza mamia ya wananchi wa mkoa wa Mara na mikoa ya Jirani katika Maadhimisho ya Siku ya Mazingira Duniani ambapo kitaifa sherehe hizo zitafanyika katika kijiji cha Butiama mkoani Mara.

Alipotembelea kaburi la Hayati Baba wa Taifa Julius Kambarage Nyerere