FAHAMU KUHUSU USHIRIANO WA HALOTEL NA NMB.
Kampuni ya mawasiliano ya Halotel na benk ya NMB zimeingia katika ushirikiano utakaowawezesha mamilioni ya watanzania kunufaika na huduma za kifedha nchi nzima.
Akizungumza wakati wa uzinduzi huo Jijini Dar es salaam, Naibu Mkurugenzi wa kampuni ya Halotel, Le Van Dai, alisema kuwa ni hatua nyingine kubwa katika utoaji wa huduma za kifedha kupitia simu za mkononi ambapo sasa huduma yq halopesa itakuwa imeunganishwa na benki ya NMB ili kuwawezesha wateja kufanya miamala kwa urahisi zaidi.
Kwa upande wake kaimu mkuu wa huduma Binafsi za kibenki wa NMB, Boma Raballa alisema ushirikiano huo ni mafanikio mengine makubwa ya kibiashara kwao hususani katika kupanua wigo wa huduma zake na namna itavyoweza kuuganisha teknolojia ili kuwarahisishia watanzania kupata huduma za kifedha popote walipo.
