POLISI KANDA MAALUMU YA DAR ES SALAAM WATOA TAHADHARI KWA WANANCHI.
 |
| Na James Salvatory, BMG Dar Jeshi la Polisi Kanda Maalumu ya Dar es salaam, limewataka wakazi wa Jiji la dar es na wageni Kutoka sehemu mbalimbali kuwa makini na matapeli wanaotumia mbinu za kila aina hususani viongozi wa serikali au watu mashuhuri kujipatia fedha kwa njia za kidanganyifu. Kamishina wa polisi kanda hiyo, Simon Sirro, amesema hivi karibuni kumekuwa na malalamiko mbalimbali kutoka kwa raia wa kigeni kwamba kuna waarifu wanaotumia vibaya jina la mkuu wa mkoa wa Dar es salaam, Paul Makonda kuwataka watoe pesa za kigeni ikiwemo dola za Kimarekani na pesa za Kitanzania kwa madai ya kuwasaidia wanafunzi kupata vyuo nchi za nje. Katika hatua nyingine jeshi la polisi kanda hiyo limefanikiwa kuwakamata watuhumiwa 220 kwa tuhuma mbalimbali za kiharifu ikiwemo kucheza kamali, unyanganyi, kubugudhi pamoja na kununua na kuuza gongo. |
