80 WAPEWA MAFUNZO YA UJASIRIAMALI MUSOMA.

ZAIDI ya vijana 80 ambao wamehitimu kidato cha nne hivi karibuni mwaka huu katika shule za sekondari mbalimbali manispaa ya Musoma mjini wameanza mafunzo ya ujasiriamali ili yaweze kuwasaidia kufanya shughuli za uzalishaji mali kwa kipindi cha miezi sita watakayo kuwa nyumbani wakisubiri matokeo yao.

Mafunzo ambayo watafundishwa kwa muda usiopungua miezi miwili yamegawanywa katika nafasi mbili tofauti ambapo nafasi ya kwanza wahitimu hao watasoma elimu ya ujasiriamali wiki mbili darasani baada ya hapo watabuni miradi ya biashara na kuifanya kwa vitendo(field).

Hayo yalielezwa jana na muwezeshaji wa mafunzo hayo Boniphace Ndengo alisema mafunzo hayo yatawasaidia vijana hao kutumia fursa ambazo ni mahitaji mbalimbali ya jamii kwani wao ni miongoni mwa jamii hiyo kwa kuzingatia taifa linakabiliwa na upungufu mkubwa wa wajasiriamali watu ambao ni watu wenye uwezo wa kuzalisha firsa za ajira nchini.

’Sasa sisi tuliona tuanze na hawa kwa sababu ni wakati muafaka yaani ukiwasubiri hadi waende chuo kikuu ndio uwape haya mawazo unakuwa umechelewa kwa hiyo sisi tuliona tuanze kuwafundisha wakiwa sekondari hawa walikuwa wanachama wa klabu za jipange kufanikiwa tulizo anzisha katika shule 16 za sekondari January mwaka huu kwa hiyo tunawaendeleza’’alisema.

Alisema wakati huu wakiwa wanasubiri matokeo kwa muda wa miezi sita waliwaita vijana hao na kuwapa kazi ya kufanya ambapo katika mafunzo hayo wamewataka kubuni miradi ya biashara itakayo ingiza pato lisilopungua shilingi 150,000 kwa mwezi watafanya kwa vitendo ambapo watasaidiwa na wajasiriamali wa aina ya biashara waliobuni kwa kila mmoja.

‘’tuko hapa kuwasapoti kitaaluma, na itakapo lazimu pia tutawasapoti upande wa mitaji kwa sababu tunachama chetu cha ushirika wa akiba na mikopo imara saccoss ambacho kinatoa mitaji kwa wajasiriamali wadogo kwa hiyo tunaweza kutoa mitaji wa watakaohitaji ili kutekelieza mawazo ya biashara zao walizopendekeza’’alisema.

Ndengo alisema wanawafundisha vijana hao kanuni na mbinu ambazo zimetumiwa na watu waliofanikiwa na kwamba wanajafribu kuwaonesha ili na wao pia waweze kufanikiwa hatua aliyoeleza itakuwa endelevu kwa kipini cha miaka minne ambapo watawawekea malengo ya kukuza biashara zao kwa muda wa miezi kumi na mbili.

Sabina Juma ni miongoni mwa vijana hao alifurahia mafunzo hayo ambapo alisema anapenda kuwa mjasiriamali elimu ambayo itamsaidia kujiajiri na kuzalisha ajira kwa vijana wengine aliwaomba wazazi kuruhusu watoto wao kujakupata mafunzo hayo ili taifa liondokane na changamoto ya watu wenye uwezo wa kuzalisha ajira.

Mwisho.