CDF WAZINDUA MRADI WAZEE WA MILA TOENI ELIMU KWA JAMII ILI KUTOKEMEZA UKEKETAJI TARIME.

KATIBU  TAWALA WILAYA YA TARIME MKOANI MARA AKIZINDUA RASMI MRADI HUO WA Kukusanya Nguvu za pamoja kulinda na kutetea haki za wasichana katika Mkoa wa Mara na Mwanza.

Kulingana na vitendo vya ukatili wa kijinsia na mimba za utotoni vinavyoendelea kutendeka hapa Nchini ukiwemo Mkoa wa Mara hususani wilayani Tarime, wazee wa mila wameombwa kuingilia kati  na kutoa Elimu wanayoipata kupitia mashirika mbalimba likiwemo shirika la Jukwaa la utu wa mtoto( CDF)  juu ya kupinga vitendo vya ukatili wa kijinsia pamoja na ukeketajia na ndoa za utotoni ikiwa ni pamoja na umhimu wa  urithi wa mali kwa wanawake  kwa lengo la kutokomeza ukatili wa kijinsia dhidhi na wanawake na watoto wa kike.

Hayo yamebainishwa na katibu Tawala wa wilaya ya Tarime John Marwa kwa niaba ya Mkuu wa wilaya ya Tarime Glorious Luoga katika uzinduzi wa mradi wa Kukusanya Nguvu za pamoja kulinda na kutetea haki za wasichana katika Mkoa wa Mara na Mwanza katika ukumbi wa Blue Sky Mjini Tarime mkoani Mara.

Aidha katibu Tawala amesema kuwa katika jamii ya kikurya kupitia koo zote 13 za kikurya  wazee wa mila wanasauti kubwa hivyo hawana budi kufikisha Elimu juu ya Madhara ya ukeketaji, vipigo kwa wanawake pamoja na ndoa za utotoni ili kutokomeza vitendo hivyo.

“Wazee wangu nawaomba elimu mnayoipta hapa na ambayo mmekuwa mkipewa hebu ifikishe kwa jamii ili kuondokana na vitendo vya ukatili wa kijinsia ikiwa ni pamoja na kutambua elimu kwa mtoto wa kike hala elimu hii itolewa kuanzia mashuleni” alisema Katibu Tawala.

Hata hivyo katibu tawala alisema kuwa endapo wazee hao wa mila watajitokeza kwa pamoja na kusema hapana  katika suala zima la ukeketaji kupitia koo zote kumi na tau ukatilai utaisha  na kila jamii itaweza kuishi kwa haki bila ya kutendewa unyama wowote huku akizidi kusisitiza suala zima la Elimu kwa watoto wa kike na kiume nakusema kila mtoto ana haki sawa hivyo wazazi waondokane na ubaguzi katika familia na kuondokana na dhana potofu zilizopitwa na wakati.

Sinda Nyangole ni mwenyekiti wa  wazee wa mila kutoka  wa koo13 za kikurya Wilayani Tarime Mkoani Mara alisema kuwa nao kwa sasa wamejipanga kwa lengo la kutoa elimu hiyo juu ya kupinga vitendo vya ukatili wa kijnsia huku akiomba mashirika kuendelea kutoa elimu hususani maeneo ya vijijini ikiwa ni pamoja na kutoa mafunzo maalumu kwa waandishi wa habari ili kuandika habari sahihi juu ya kuemilisha jamii madhara ya ukatili wa kijinsia ikiwemo ukeketaji na mimba za utotoni.

Akizungumzia lengo la Mradi huo   Mkuu wa Program kutoka CDF Cynthia Mushi kwa niaba ya mkurugrnzi wa shirika hilo Koshuma Mtengeti alisema kuwa mradi huo umelenga wasichana wanaoishi katika mazingira hatarishi kutoka mkoa wa Mwanza na Mara ili kukabiliana na changamoto zinazowakabili katika jamii ili kuweza kujiendeleza Mwanza na Mara.

Hata hivyo Cynthia alisema kuwa mradi huo umezinduliwa rasmi na shirika la jukwaa la utu wa mtoto kwa kushirikiana na shirika la Forward lililopo UK chini ya ufadhili wa mashirika  ya  COMIC RELIE na ,SIGRID RAUSING ambapo mradi huo unatarajia kufanya kazi kwa kushirikiana pia na mashirika ya UMATI lililopo Musoma, Kituo cha Wadada Centre kilichopo Mwanza ili kuhakikisha msichana anajengewa uwezo wa kukabiliana na changamoto mbalimbali juu ya maisha yao ya kila siku huku wakiwawezesha pia wasichana walioko katika mazingira hatarishi ili kuzijua haki zao za msingi ikiwemo Elimu.

Katika mkoa wa Mara Mradi huo umelenga wilaya ya Tarime, Butiama kwa upande wa Tarime mradi huo umelenga kata za Manga , Matongo, Susuni,Mwema na Nkende huku wilya ya Butiama kata za Nyegina, Etaro,Kukirango, Nyakanga, na Nyamimanga na kwa upande wa mkoa wa mwanza mradi huo  umelenga wilaya ya ilemela kata za Kitangiri na Pasiansi.

Hata hivyo Cynthia alisema kuwa baadhi ya wilaya ikiwemo wilaya ya Tarime wameisha anza kutekeleza mradi hawamu ya kwanza ambapo mradi huu unatarajiwa kutekelezwa kipindi cha miaka maitatu.

Nao Baadhi ya viongozi wa dini akiwemo Sheikh mkuu wa wilaya ya Tarime Abdul hakimu Murisho Sud wamezidi kalaani vikali vitendo vya ukatilia wa kijinsia ukiwemo ukeketaji kwa mtoto wa kike katika wilaya ya Tarime mkoani Mara na badala yake jamii imkeketa kielimu kwani wasichan wanafursa nzuri wanapopewa elimu.

Kwa upande wa wasichana ambao wamekuwa wahanga wa matukio hayo ya Levina Samwel kutoka wilaya ya Rorya,  Rorya Girls Network pamoja na Loveness Enock kutoka Pasiansi Club from Wadada Centre iliyopo Mwanza wamesema kuwa jamii haina budi kuendelea kmuthamini mtoto wa kike huku wakiondokana na dhana potofu kuwa mtoto wa kike ni wa kuolewa badala ya kupewa elimu huku wakiwataka wasichana kujiamini na kujitambua kwa kusema hapana.