ASKOFU KANISA LA WASABATO APONGEZA SERIKALI YA MAGUFULI

Askofu mkuu wa kanisa la waadventista wasabato  jimbo kuu la Afrika Mashariki na Kati Mchungaji Dkt. Blasious Ruguri

Askofu mkuu wa kanisa la waadventista wasabato  jimbo kuu la Afrika Mashariki na Kati Mchungaji Dkt. Blasious Ruguri amesema serikali ya Tanzania ya awamu ya tano imepata mafanikio makubwa ya ungozi ya kukuza uchumi katika kanda  ya afrika mashariki kiasi cha kuwafanya wananchi wa nchi jirani kuwataka viongozi wao wakajifunfu kwa Rais Dkt. John Magufuli.

Pia Dkt. Ruguri amesema nchi ya Tanzania ni mfano wa kuigwa na nchi za afrika kwa kuwa imekuwa kinara wa kulinda amani jambo ambalo linaifanya iwe nchi ya namna yake Afrika kutokana na kuwepo kwa amani ya kutosha nchini.

“Hakuna matatizo makubwa yanayoripotiwa kwenye vyomba vya kimataifa kama ilivyo nchi zingine, yanayotokea ni yale madogo madogo ambayo yana malizwa ndani, wananchi muungeni mkono rais wetu Magufuli kwa kuwa anamcha Mungu jambo ambalo ni zuri kwa kiongozi wan chi kumtanguliza Mungu katika shughuli zake hakika atafanikiwa maana viongozi wote wamewekwa na Mungu na pale wanapo acha kumtegemea naye huwaacha na kuharibikiwa katika uongozi wao,” alisema Askofu Ruguri.

Aliyasema hayo Wilayani Tarime mkoani Mara wakati alipokuwa akiendesha harambee ya kuchangia ujenzi wa ofisi ya jimbo la Mara inayohitaji sh, 2 bilioni ili kukamilika kwa ujenzi ambapo  kwa sasa ipo katika hatua ya orofa ya pili kati ya tano zinazotakiwa kujengwa.

Katika harambee hiyo zaidi ya sh, 54 milioni zilitolewa ambapo waumini wa kanisa hilo viongozi wa siasa  toka wilaya mbili za Tarime na Roya walishiriki.

Kiongozi huyo alisema juhudi za Rais Magufuli kulitoa taifa la Tanzania kutoka katika mtazamo wa awali wa kiongozi kufumbia macho ufisadi siyo jambo rahisi ambalo kila mtu atakubaliana nalo hivyo kumwomba asikate tamaa kwa kuwa anamcha Mungu hakika atafanikiwa, huku akissema kanisa litaendelea kumwombea ili aweze kufikia malengo yake.

“Ingawa Musa alikuwa na nia nzuri ya kuwatoa wana wa Israel kutoka utumwani ilifika wakati baadhi wakamgeukia  kumlalamikia kuwa amekuja kuwatesa, vivyo hivyo kwa Rais namwomba asikate tamaa kwa kuwa kazi anayoifanya ni nzuri na inahitaji uvumilivu na Mungu atamjalia kuifikisha nchi pale alipotegemea” alisema Kiongozi huyo.

Awali akiweka jiwe la msingi katika kanisa la Sabasaba, kiongozi huyo wa kanisa aliwataka washiriki wa kanisa kuimarisha ujenzi wa nyumba za ibada katika maeneo yao ili kuifanya sehemu ya kuabudia kuwa bora ambapo Mungu atakaa pamoja nao.

Aidha aliwataka hata wale wasiokuwa na uwezo mkubwa kutoa kulingana na uwezo walionao ili kushiriki mibaraka ya Mungu kwa kuwa Mungu anaona moyo wa anayetoa na sio wingi wa kile alicho nacho.

Akitoa shukrani, Mwenyekiti wa jimbo kuu la kaskazini mwa Mwa Tanzania Dkt. Godwin Lekondayo aliwashuru wananchi waliojitolea kwa kujinyima ili kufaikisha ujenzi wa ofisi hiyo ambao unahitaji kiasi kikibwa cha fedha na bila kuwa na moyo wa pekee ujenzi huo hauwezi kukamilika kwa haraka.

Pamoja na kuendesha harambee hiyo pia viongozi hao walipanda miti ya kumbukumbu katika kanisa la Sabasaba ambapo pia aliweka jiwe la msingi kwa ujenzi unaoendele, huku wanawake wa kanisa hilo wakitoa mifuko 10 ya saruji kwa jeshi la polisi ili iweze kusaidia kukamilisha ujenzi ya ofisi za kituo kikuu cha polisi Tarime mjini.