ZAIDI YA WANACHI 480 KIJIJI CHA MANIRA RORYA WANUFAIKA NA MWANGA WA JUA.

PICHA YA JOHN  MASHAKA AMBAYE AMEFADHILI KIJIJI HICHO MSAADA WA MAJI NA MWANGA WA SOLA AKIONESHA SOLA YA MFANO KWA WAANDISHI WA HABRI JANA KIJIJI HAPO.

                                                                        RORYA.

Wilayani Rorya mkoani Mara zaidi ya wanachi 480 wa kijiji cha Manira Kata ya Nyamutinga wamenufaika na Nishati ya Umeme wa jua ambapo wanachi hao wamesema kuwa suala hilo limeepusha majanga ya kuungua kwa Nyumba ambayo yaemekuwa yakitokea mara kwa mara kutokana matumizi ya vibatali  huku wakivamiwa na wanyama aina ya Fisi na kusambulia Mifugo nakulazimika  kulala majira ya saa moja ili kujinusuru na fisi hao.

Aidha wanachi hao wamedai kuwa Tangu kuumbwa kwa dunia mpaka sasa hawajawahi kupata umeme jambo ambalo limekuwa ni changamoto kubwa hivyo kijiji hicho sasa kinajivunia kupata umeme wa jua huku wakisema kuwa hapo awali kwa sababu ya giza wamekuwa wakishambuliwa na wanyama aina ya fisi na wakati mwingine nyumba kuungua kwani nyumba nyingi za vijijini zimejengwa kwa kutumia nyasi

Issaya Erasto nimmkazi wa kijiji hicho alisema kuwa tangu kuzaliwa kwake mpka sasa ana umri wa mika 62 hajawahi kuona umeme amekuwa akitumia vibatali na wakati mwingine kukosa ela ya mafuta na kuamua kuwasha kuni ili kupata mwanga na kupelekea baadhi ya miji kuungua kwani nyumba nyingi za vijiji zimejengwa kwa nyasi hivyo ametumia fursa hiyo kumushukuru mfadhili huyo kwani amewza kuwanusuru wananchi hao.

“Huyu ni kijana wetu tumejinyima kama wanakijiji na kuweza kumusomesha na kwenda nchi za mbali lakini amekumbuka fadhila na kuweza kuturudishia kidogo anachopata kwa kushirikiana na marafiki zake wa huku Marekani Tunashukuru sana sasa watoto wetu watasoma na kufuata nyao zake kwa sababu kijiji kizima kina mwanga wa kutosha kwani sola hizi hazizimika hata mvua ikinyesha siku Nne” alisema Issaya.

Kwa upande wake Sofia Mihayo nimmoja wa akina mama alisema kuwa kijiji kizima wakati mwingine kimekuwa kikikosa mafuta na kuamua kutumia mishumaa ambayo siyo rafiki kulingana na nyumba zao lakini ujio wa mwanga wa jua itakuwa chachu ya maendeleo.

Pia wanachi hao walidai kuwa kutokana na giza ambalo limekuwa likitawala kijijini hapo wanyama aina ya Fisi wamekuwa wakiwashambulia vikali na kuua wanyama wakiwemo Mbuzi pamoja na kondoo huku watoto wakilazimika kulala mapema ili wasiweze kushambuliwa na fisi.

Mmoja wa wakazi wa kijijini hapo alidai kuwa baada ya kupata mwanga wa jua takribani mwezi mmoja watoto wake ambao walikuwa hawajui kusoma kwa sasa wameanza kujua kusoma hivyo ujio wa mwanga huo katika kijiji hicho ni neema kubwa.

 Hata hivyo mbali na wanakijiji hao kukumbwa na changamoto ya ukosefu wa umeme maji pia yalikuwa changamoto kubwa ambapo wakina mama wamekuwa wakitembea zaidi ya kilimeta ishiri kwenda na kurudi huku wakiamkamajira ya saanane usiku kufuata maji ya ziwa Victoria  ambayo siyo safi na salama kwa Afya yaho pia kijiji hicho na baadhi ya vijiji Vinne  jirani zaidi ya wananchi Elfu Nane wananufaika  mradi wa maji ambao hupo kijijini hapo chini ya Ufadhili wa John Mashaka Foundation and, American Inginearing Group Limited ambapo katika kijiji cha manira wameweza kuweka muradi wa maji ambapo muradi huo unahudumia wanachi wa kijiji hicho pamoja na vijiji Vinne jirani japokuwa wanalipia dumu la lita 20 shilingi 50 kwa ajili ya matengenezo huku wazee na watu wasiojiweza wakichota bure bila ya kutozwa chochote.

Miradi hiyo imefadhiliwa na mmoja wa wazawa wa kijiji cha Manira kata ya Nyamutinga wilayani Rorya Mkoani Mara  Bw :John Mashaka kwa kushirikiana na American Inginearing Group Limited baada ya kuona wananchi wanateseka kwa kukosa huduma ya maji pamoja na Mwanga huku kila nyumba ikipata mwanga wa jua  na zaidi  ya nyumba za nyasi 120 zimenufaika bila kuchangia chochote.

John Mashaka ambaye ni Mfadhili wa miradi hiyo yote alisema kuwa baada ya kusomeshwa na kuweza kupata kazi Njee ya Nchi aliweza kuamua kurudi nyumbani na kubaini changamoto zinazokumba kijiji chake na kuamua kuweka muradi wa maji pamoja na mwanga wa juaili kila mwanachi aweze kunufaika.

“Nilivyokuwa nakuja kijijni kuwapa wanachi wangu Elfu kumi haisaidii kwa sababu fedha zinaisha na shida zinabaki palepale nikaona nini cha kuwapa ili kiwanufaishe wote nikaomba marafiki zangu Marekani nakuweza kuniunga mkono na kufanya hayo muliyoyaona kijijini hapa” alisema Mashaka.

Mashaka aliongeza kuwa  muradi huo wa mwanga wa jua umeweza kufikia kila kaya bila ya kubagua dini wala kabira kwani jamii nzima ilikuwa na hitaji kubwa la mwanga ili kila family watoto waweze kujsomea na kuweza kufaulu.