Walimu wa mpira watakiwa kuwa wabunifu.

GRAHAM ROBINSON KUTOKA MAKAO MAKUU YA MAENDELEO YA MPIRA WA MIGUU KIMATAIFA  SUNDERLAND UINGEREZA (AFC) AKITOA MAELEKEZO KWA  WANAFUNZI NA KOCHA EMMANUEL NYENYEMBE WA ACACIA FC  WAKATI WA MAFUNZO YA UKOCHA YA SIKU TANO YALIYOANZA JUNI 7 HADI 11 YALIYOFANYIKIA KATIKA UWANJA WA SEKONDARI YA INGWE NYAMONGO TARIME. JUMLA YA MAKOCHA 20 NA WANAFUNZI 200 WAMEPATA MAFUNZO HAYO.

Walimu wa mpira nchini wametakiwa kuwa wabunifu katika mbinu za ufundishaji ili kuwafanya wachezaji kuwa na uelewa mkubwa wa mchezo huo huku wakiwapa nafasi ya kushiriki kutoa mawazo ya ya jinsi ya kuboresha mchezo huo kuliko wao (makocha) kuwa na maamuzi ya jumla ya nini kifanyike.

Hayo yalibainishwa juzi hivi karibuni  na Graham Robinson kocha wa klabu ya Sunderland (AFC) ya uingereza wakati wa kozi ya siku tano ya makocha kiwango cha CAF iliyoandaliwa na mgodi wa Acacia north Mara na kufanyikia katika shule ya sekondari Ingwe iliyoko Nyamongo Tarime mkoani Mara.

Jumla ya makocha 22 kutoka shule za msingi, sekondari, vijiji vinavyouzunguka mgodi huo walishiriki kozi hiyo kwa siku tano, kwa njia ya vitendo na nadharia ambapo jumla ya vijana 200 walijitokeza kuwa sehemu ya kujifunza mbinu mbalimbali za kupokea, kugawa pasi mpira na jinsi ya kumchenga adui.

Robinson alisema kuna makocha wengi wenye uwezo wa kufundisha timu za kimataifa lakini hawajapata mafunzo yanayoweza kuwaweka katika kiwango kizuri na kuahidi kushirikiana na kampuni ya Acacia Tanzania ili kutumia muda wake kuhakikisha wanapatikana makocha wenye uwezo watakao weza kufundisha ngazi ya kimataifa.

“Natamani nami kuwa sehemu ya waafrika mna uwezo mkubwa wa kuelewa haraka na kufanya kwa vitendo, nishukuru mgodi wa acacia kwa kuona umhimu wa kuandaa kozi hii kwa kukishirisha klabu ya Sunderland kuyatoa, nasi kama Sunderland tunaahidi kuwa tutahakikisha wanapatikana makocha wenye kiwango kizuri na kusimamia pia kupata vyeti kupitia TFF” alisema Robinson.

Kwa niaba ya mkuu wa mgodi huo, Afisa mahusiano wa mgodi huo Fatuma Msumi alisema lengo la mgodi huo kuandaa kozi hiyo ni kutaka kuinua viwango vya ukocha katika wilaya ya Tarime hasa karibu na migodi ili iweze kutoa timu imara. 

“Tunahitaji kupata timu imara na yenye uwezo mzuri wa soka katika maeneo yetu ya wilaya ya Tarime itakayoleta sifa, mwanzoni tulikuwa na timu ya Nyamongo FC iliyofikia ngazi ya ligi daraja la tatu mkoa lakini badaye ikaanza kusuasua kutokana na kutokuwa na makocha wenye uwezo na ndio maana tukaona tushirikiane na klabu ya Sunderland kutoa mafunzo hayo na tuwashirikishe watu wa kada mbalimbali pia” alisema Msumi.

Washiriki wa kozi hiyo  walisema wamejifunza vitu ambavyo walikuwa hawa vifahamu na kutokana na hali hiyo wataboresha ufundishaji wao katika maeneo husika ili kuibua vipaji kwa vijana wadogo na timu kubwa kwa ajili ya michezo mbalimbali ya Wilaya, mkoa na kitaifa pia.

“Sikufahamu kuwa kocha anatakiwa kuwauliza wachezaji ni nini wannapenda wafanye, nilikuwa nikiamua nini wafanye badala ya kuwapa nafasi ya kutoa mawazo yao jambo ambalo hapa nimeliona ni zuri ili kuwashirikisha wachezaji na kuongeza ufanisi wa kikosi kiwapo uwanjani, maana wachezaji nao wanauwezo mzuri wa kushauri na kufanikisha mchezo uwanjani” alisema Emmanuel Nyanyembe kocha wa ABG FC.