WAJASILIAMALI WATAKIWA KUPEWA KIPAUMBELE.

Akisoma risala mbele ya mkuu wa wilaya ya Tarime Glorious Luoga mwenyekiti wa jukwaa la wanawake la kiuchumi,TANZANIA WOMAN CHAMBER OF COMMERCE (TWCC) mkoa wa mara Safia Chacha amezitaja changamoto zinazo wakabili ikiwemo ukosefu wa mitaji , mazingira yasiyorafiki kwa biashara na huku akizitaja changamoto zingine zinazochangia wao kutopiga hatua .

Akina mama wajasiliamali nchini wametakiwa kupewa kipaumbele kwa lengo la kulikomboa Taifa kiuchumi ikiwa ni pamoja na kuhakikisha wanakabiliana na changamoto zinazo wakabili ikiwemo ukosefu wa mitaji hali inayowafanya akina mama wengi kushindwa kujikimu na kuanzisha miradi mbalimbali ya ujasilia mali kutokana na hali duni inayozikumba familiya nyingi nchini .

Wakizungumza changamoto zinazowakabili na kutoa  akina mama wajasiliamali mkoani mara  katika warsha ya kufunga mafunzo ya siku mbili ya urasimishaji wa biashara ya vyanzo vya fedha kwa wanawake wajasiliamali yakiwemo majukwaa ya wanawake ya ujasiliamali  iliyofanyaka wilayani Tarime mkoani mara walisema kuwa serikali haina budi kutambua uwepo wake na kuwawezesha mikopo kwa lengo la kuedeleza miradi yao.

Aidha akina wajasiliamali hao walidai kuwa wamekuwa wakijishughulisha kwa lengo la kujikwamua lakini bado wanakumbwa na changamoto ya ukosefu wa mitaji huku wakiomba mabanki kutoa mkopo yenye riba nafuu ili kila mtu aweze kufanya biashara.

“Tunataka kufanya biashara kupitia vikundi kwa sababu akina mama wengi familia zinatutegemea lakini bado tunakumbwa na changamoto ya ukosefu wa mitaji bado banki zinatoa mikopo kwa riba kubwa jambo ambalo linawashinda akina mama wengi kuchukua mikopo” walisem akina mama hao.

Akisoma risala mbele ya mkuu wa wilaya ya Tarime Glorious Luoga mwenyekiti wa jukwaa la wanawake la kiuchumi,TANZANIA WOMAN CHAMBER OF COMMERCE (TWCC) mkoa wa mara Safia Chacha amezitaja changamoto zinazo wakabili ikiwemo ukosefu wa mitaji , mazingira yasiyorafiki kwa biashara na huku akizitaja changamoto zingine zinazochangia wao kutopiga hatua .

Akieleza lengo na fursa za majukwaa ya wanawake ya kiuchumi nchini Tanzania mkurugenzi mtendaji wa TWCC Flora Rimoy alisema kuwa kupitia jukwaa la kina mama hilo kwa kiasi furani linazidi kuwakwamua wanawake wengi Tanzania ambapo amesema kuwa wana mikakati ya lkufungua majukwaa mengi kila mikoa ili kuwasaidia akina mama hao wajasiliamali.

 Naye  katibu wa TWCC Mkoa wa Mara  Noela Gachuma alongeza kuwa  kuwepo kwa jukwaa hilo ni kuweka sauti ya pamoja na kushirikiana na kupeana mawazo kwa lengo la kumkomboa mwanamke wa Tanzania .

Akifunga mafunzo ya semina hiyo kwa akinamama wajasiliamali mkuu wa wilaya ya Tarime Glorious Luoga amekiri kupokea changamoto hizo na kuanza kuzifanyia kazi huku akitoa kalipio kali kwa wale wanaowanyonya na kuwakandamiza wajasilamali hao huku akigusia taasisi za kifeza zinazowanyonya wajasilamali kwa riba kubwa  .

Hata hivyo mkuu wa wilaya huyo aliwataka wajasiliamali hao kujikita katika suala zima la kufuga kuku wa kisasa ili kuwa na miradi ya kuuza mayai na kudaia kuwa endapo wajasiliamali hao wataanzisha muradi atakuwa wa kwanza kuwatafutia soko la kudumu.

“Kwanza wafanyabiasara akina mama wa Tarime mna bahati nzuri kuna mgodi wa ACACIA pamoja na Mbuga za Wanyama kupitia wawekezaji hawa hata mukiwa na mayai maelefu yataisha na kuitajika mengine hivyo ni jukumu lenu kujipanga sasa ili kumaliza umaskini nyie ndo mmekumbatia umaskini fursa ni nyingi pia mpaka hupo lakini hamujabuni miradi ili kunufaika”alisema Mkuu wa Wilaya .

Kauli mbiu na dira ya mafunzo hayo ikiwa ni “kua kitovu na kichocheo katika kumkomboa  mwanamke mfanyabiashara wa kitanzania kiuchumi ”.