WAFANYABIHASHARA WA VIAZI WAOMBA SERIKALI KUONDOA TOZO ZA NJIANI.

Wafanyabishara wa mbogamboga, na viazi vitabu katika soko la Sirari wilayani Tarime mkaoni Mara, wameitaka serikali kuwaondolea ushuru wanaotozwa njiani sokoni wakati wanatoka kuchukua bidhaa ili kuwapunguzia mzigo na hasara inayopatikana kwa kukosa wateja wa bidhaa zao.

 Waliseama  kuwa tozo hizo za njiani na sokoni hutozwa wakati wakitoka kuchukua mzigo na wanapofika sokoni pia hutakiwa kulipia ushuru wa soko hivyo kuwafanya wasipate faida kutokana na kukosa wateja na viazi na mboga kuchukuwa muda mrefu kununuliwa na kupoteza mvuto kwa wateja wao.

Wakizungumza sokoni hapo na Cleo news hili akina mama hao walisema kuwa gunia moja la viazi vitamu lenye uzito wa kilogram 90 wanalinunua kwa sh, 20,000 na kulisafirishia kwa nauli y ash, 1,500 huku wakitozwa sh, 500-1000 wakiwa njiani na wanapolifikisha sokoni hutozwa sh, 500 kila jumamosi ambayo ni siku ya soko, hivyo hawapati faida.

“Gunia hilo unaliuza wiki nzima, viazi vikinyauka tunapata hasara na ndiyo tunayoitegemea kutunzia familia watoto kuvaa na kula na wengine kulipiwa shule maana sisi hapa tuko mpakani watoto wanasoma hapo Kenya, tunaomba ushuru upunguzwe ili tupate unafuu” alisema Esther Sililo.

Muuzaji wa viazi sokoni hapo, Marselina Wambura alisema wanapata shida ya kuungua na jua hivyo kuitaka serkali kujenga vibanda kwa ajili ya kuwasaidia kujikinga na jua, mvua na upepo pale wanapokuwa sokoni kwa kuwa wanalipa ushuru.

 “Tunaungua jua sana kutokana na kuwa hakuna vivuli vya kutukingia jua, tukipata vichanja biashara yetu itaenda vizuri… tukiwa na sehemu moja wote tunaouza biashara hizi tutapata faida kubwa huku waturuhusu tuvushe kwenda kenya maana kuna soko zuri” alisema Wambura muuzaji wa viazi.

Walisema kuwa wakiboreshewa mazingira kwa kupangwa katika maeneo maalumu kutawafanya wateja wao kupata huduma katika sehemu husika.

“Tunaomba maeneo yatengwe kufuatana na aina ya biashara tunayofanya yataturahisishia kazi yetu na kutunza maeneo kuwa safi, kama ni viazi tuwe na eneo letu, kuku, mkaa na matunda kuliko ilivyo sasa tumechanganyikana pamoja na wauza kuku mkaa vitu vingine” anashauri Silvia Bajunana

Ili kuboresha mazingira ya soko hilo la mji mdogo wa Sirari, halmsahauri ya Wilaya Tarime kupitia mfuko wa jimbo imetenga zaidi y ash, 9. Milini kujenga vichanja vitakavyotumiwa na wafanyabiashara katika soko hilo na kuondokana na kuweka bidhaa zao chini.

Katibu wa mbunge wa jimbo hilo Mrimi Zabron alisema tayari pesa hiyo imetengwa na utekelzaji wa ujenzi wake unatarajiwa kuanza mara moja baada ya kukamilisha masuala machache yaliyobaki kukamilishwa.

Katika kata ya  Sirari imetengewa sh, 9 milion  kwa ajili ya utengenezaji wa vichanja vya kisasa kwa ajili ya kinamama wajasiriamali zitakazowasaidia kuuzia mboga na samaki na mazao mengine ya bishara katika soko la Sirari ambapo jumla ya sh,  40,295,000 milioni zinatekeleza miradi ya ukarabati ya shule za msingi wilayani Tarime”  alisema Zabron.