JERA MIAKA 30 KWA KUJERUHI KWA SHOKA,MIAKA 5 KWA KUJERUHI SEHEMU ZA SIRI.

JERA MIAKA 30 KWA KUJERUHI KWA SHOKA,MIAKA 5 KWA KUJERUHI SEHEMU ZA SIRI.

MAHAKAMA ya Wilaya ya Tarime imemuhukumu kwenda jera miaka (30) mtu mmoja anayejulikana kwa jina la Nicolous Makongoro mkazi wa kijiji cha Omoche kata ya Nyamtinga Wilayani Rorya mkoani Mara.  kwa kosa la unyang’anyi wa kutumia silaha

 Hukumu hiyo ilitolewa na Hakimu mfawidhi Mahakama ya Wilaya ya Tarime Martha Mpaze  na kwamba kwa upande wa mashitaka umethibitisha kosa  pasipo na shaka.

Awali Mwendesha mashitaka wa Jeshi la Polisi  George Lutonja alisema kuwa mshitakiwa mwenye kesi No.388//2015 mnamo 1,juni,2015 saa 12 asubuhi kijiji cha Kyariko mshitakiwa alimjeruhi kwa shoka mgongoni Jumanne Siagi na kukimbia kusipojulikana.

Lutonjs alisema kuwa mshitakiwa pia alimwibia simu 2 zenye thamani ya laki laki 2 na Nyaraka zenye thamani ya laki tatu ambapo 15,7,2015 alikamatwa na polisi na kuhojiwa na 16,7,2015 alifikishwa mahakamani na upande wa mashitaka ulikuwa na mashahidi 5 waliothibitisha makosa wa upande wa mshitakiwa hakuwa na shahidi.

Wakati huohuo,MAHAKAMA hiyo imemuhukumu kifungo cha miaka 5 jera  Masco Chacha (29)mkazi wa kijiji cha Kemange kata ya Bomani kwa kosa la kumjeruhi sehemu za siri  Marwa Msome(52) mkazi wa kijiji cha Ntagacha Kata ya Ganyange Wilayani humo.

Hukumu hiyo ilitolewa na Hakimu mkazi wa mahakama ya Wilaya ya Tarime Amon Kahimba ambapo upande wa mashtaka umethibitisha kosa pasipo na shaka.

Awali mwendesha mashtaka wa Polisi Inspecta Abel Kazeni alisema mshitakiwa mwenye kesi No.326/2015 mnamo 13/juni/2015 majira ya saa 11 jioni kijiji cha Nyakarima mshitakiwa alimjeruhi Marwa Msome sehemu za siri na kumsababishia maumivu makali.

Kazeni alisema kuwa Mshitakiwa alikamatwa 15,juni ,2015 na kufikishwa polisi kwa mahojiano na 18,juni ,2015 alifikishwa mahakamani.

Aidha kwa upande wa mashitaka ulikuwa na mashahidi 4,mshitakiwa hakuwa na shahidi na wakati wa kujitetea aliomba apunguziwe adhabu kwakuwa ni mgonjwa na anafamilia.