DC RORYA AINGILIA KATI MGOGORO KUWAKOMBOA WANACHI.

DC RORYA AINGILIA KATI MGOGORO KUWAKOMBOA WANACHI.

Mkuu wa Wilaya ya Rorya mkoani Mara, Felix Lyaniva ameingilia kati mgogoro wa uendeshaji wa mradi wa kilimo cha mpunga wa kijiji cha Ochuna uliokuwa ukiendeshwa na serikali baadaye ukaachwa na kushindwa kufikia malengo yake.

Mradi huo uliokuwa ukisimamiwa na serikali ulianzishwa mwaka 2000 ilipofika mwana 2010 serikali ilijitoa kutokana na kupelekwa mahakani na watu waliodai eneo la mradi lilikuwa mali yao na kuonekana kushinda kesi hiyo  baada ya kuunguruma kwa miaka 10 wakidai fidia ya maeneo yao.

Mradi uliingia mgogoro baada ya watu 11 kwenda mahakama ya wilaya ya myumba, ardhi na makazi baada ya kushinda kesi ya madai yao katika baraza la ardhi la kata na kufanikiwa kurudishiwa maeneo hayo ambayo mkuu wa Wilaya aliuita kuwa ulikuwa mgogoro wa kimaslahi ya watu binafsi.

Baada  ya serikali kujiondoa kwenye mradi huo uliogharimu sh, milioni mia nane na laki sita, walimiliki wa hekari 120 zilizokuwa kikitumika kwenye mradi walianza kulima wenyewe na wakikodisha maeneo hayo kwa waliohitaji njia inayotumika hadi sasa ambapo mkulima anapilia sh, 70,000 kwa hekari moja.

Tangu mwaka 2010 serikali ilipojitoa kwenye mradi huo, ulipoteza mwelekeo na kuanza kuzuka kwa mgogoro wa kimaslahi kati ya vikundi vilivyoanzishwa kusimamia mradi huo ambapo kikundi cha mwanzo kiliondolewa na kuundwa kikundi cha pili kilichoitwa “Mradi wa umwagiliaji  mpunga Ochuna” lakini kikikumbwa na tatizo la kutokuwa na madaraka halisi kwa kuwa kikundi cha kwanza hakikutaka kuridhika na hali ya usimamizi wake.

Kutoka na mgogoro mkuu wa Wilaya aliingilia kati na kuchukua maamuzi kwenye kikao cha kamati ya ulinzi na usalama wa vijiji viwili vya Nyajage na Ochuna, kwa kukivunja kikundi kilichopo sasa na kuunda kamati ya kuunda upya kikindu kitakacho simamia mradi huo (task force) ambayo ameipa siku 14 kumaliza shughuli ya kuandaa mpango mkakati wa nini kifanyike ili kumaliza tatizo la usimamizi na wananchi wanufaike na mradi huo.

Lyaniva alikiri kuzorota kwa mradi na kusema kuwa haujawanufaisha wananchi kama serikali ilivyoukusudia kwa kuwa kuna mgongano wa kimaslahi,.

“Leo nimekuja kukutana na sehemu zote mbili ili kuona mgogoro unaisha na skimu inaendelea kufanya kazi, tumefikia maamuzi mazuri ya kuunda kikindi kingine kitakachoendesha mradi kwa kanuni na taratibu ili kuunda kikundi hicho tumeunda taskforce itakayojumuisha wataalamu kutoka halmsahauri , na wananchi na viongozi wa pande mbili za kijiji cha Ochuna na Nyanjagi” alisema mkuu huyo na kuongeza

“kwa hatua hii mgogoro huu utaenda kuisha na ndani ya wiki mbili mambo yote yatakuwa yameisha na tutawatangazia wananchi kuwa mradi unaanza upya….. lakini kukiwa na mgawanyo wa usimamizi, miundo mbinu ya maji itasimamiwa na serikali kwa kushirikiana na kikundi na wananchi ili kuiboresha zaidi na kuleta tija kwao” alisema Mkuu wa Wilaya alipokuwa akiongea na gazeti hili.

Aliongeza kuwa lengo lake ni kuona wananchi wanafaidika na sikimu hiyo ili kufikia kaulimbiu anayoitumia  “Rorya bila njaa inawezekana” kwa kuwa sikimu hiyo ni moja na eneo linaloangaliwa na serikali kuwa litaleta mabadiliko ya kilimo kwa wananchi wa Rorya.

Mwenyekiti wa kikundi cha mradi wa umwagiliaji mpung cha Ochuna Daudi Ogo anakili kutokuwepo na mafanikio tangu serikali ilipoondoa mkono wake kwenye mradi huo.

“Mwanazoni kulikuwa na mafanikio makubwa lakini kuanzia mwaka 2010 hakuna mafanikio yoyote kwenye mradi huu na kwenye kikundi maana tumefanya kazi kwa wakati mgumu kutokana na vurugu la wamiliki wa maeneo... kwa ujio wa mkuu wa Wilaya sasa tunaona suluhisho utaleta mafanikio” alisema Ogo.

Aliongeza kuwa kuzorota kwa mradi huo wa kilimo cha umwagiliaji serikali ilichangia kwa kutokutimiza ahadi kuwafidia wananchi waliotoa maeneo yao kwa miaka 10 lakini na kuonyesha wasiwasi kuwa ikiwa tena hawatapewa maneo tatizo linaweza kujirudia tena.

“Wale wa kijiji cha Nyanjage walitakiwa kufidiwa na serikali ya kijiji cha Nyanjage na wale wa Ochuna hivyo hivyo lakini kwa miaka 10 walidai na wakawa wanapigwa chenga tu bila mafamikio ndipo wakaamua kwenda mahakamani… watu tisa  kutoka Ochuna na watu watatu kutoka Nyanjage ndio waliofungua jarada mahakamani” alisema Ogo.

Kutokana na mgogoro huo kikundi cha usimamizi kiliathirika kwa kushindwa kufikia malengo ya uzalishaji wenye tija ili kuwanufaisha wananchi.

“Mitaro imeziba, maji hayafiki kwenye majaruba, zamani ulikuwa ukiomba maji yanakufikia kwa wakati lakini baada ya kuondoka serikali miundombinu imeharibika vibaya njia za kupitishia mifugo zimelimwa, bwawa halina maji ya kutosha kama ilivyokuwa zamani” alisema Ogo.

Mwenyekiti wa kikundi cha kukoboa mpunga Okinyi Ojijo alisema kuwa kuwepo kwa kikundi hicho kinachojishulisha na kilimo kumeleta faidi kwao hasa kwakuendeshea familia yao na na kuinua maisha kiuchumi ingawa kuna changamoto ya mashine kukosa mzigo wa kukoboa kwa wakulima kupungua.

“Walanguzi wa mpunga kutoka Musoma wamekuwa tatizo la kupungua kwa mzigo wa mpunga wa kukoboa jambo linalosababishwa na ukosefu wa mtaji wa kununua mpunga wote unaolimwa kwenye mradi wa Ochuna” alisema Ojijo.

Wakulima wa mpunga kijijini humo wanalilia vitendea kazi ili waweze kuimarisha kilimo chao ambacho wanasema kimeanza kuonyesha mafanikio kwa familia zao kwa chakula na biashara. Faki Mwenda alisema kuwa kuna changamoto ya kiuchumi hasa kipindi  kuanza kilimo kwa wakulima kutokuwa na vitendea kazi.

“Wananchi hawana vitendea kazi na wanalima kilimo kile cha kizamani ambacho mkulima alitakiwa kupata gunia 30 kwa hekari anapata gunia 10 na wakati wa kulima alikopa ng’ombe hivyo nauza mpunga kumfidia mlima hivyo hawezi kujikwamua kutokana na kilimo cha namna hii… serikali ya awamu ya tano iwawezeshe wananchi zana za kilimo kupitia vyama vya msingi vya ushirika ili kuinua kilimo chao” alisema Mwenda.

Vijiji vya Nyanjage na Ochuna vina zaidi ya hekari 560 zinazofaa kwa kilimo cha mpunga kijiografia lakini bado serikali haijajikita ipavya kusimamia mradi wa umwaliaji ambao unaweza kubadilisha wananchi wa wilaya hiyo ambayo kijiografia ni kame.