Kembaki amusaidia Mwanamke aliyekatwa mapanga na Mmewe.
Kembaki amusaidia Mwanamke aliyekatwa
mapanga na Mmewe.
Mwanamke
Anasitazi John miaka 18 aliyeshambuliwa
january22 na mme wake aliyejulikana kwa jina la John Weghai katika kata ta
Mriba wilayani Tarime Mkoani Mara ataimaye amepata msaada wa fedha za matibabu
kwa ajili ya kuokoa maisha yake,
Mama huyo
alishambuliwa na mme wake kwa mapanga katika mkono wa kushoto pamoja na titi
lake la kushoto kwa kisa cha kuwa hazai na wameweza kukaa katika ndoa yao
takribani miaka 3 bila ya kubahatika kupata watoto suala ambalo limekuwa
changamoto katika maisha yao.
“Alikuwa akinishambulia
kwa vipigo mara kwa mara na ndipo nilamua kwenda nyumbani niliporejea kwangu
ndipo aliamua kunifanyia kitendo hicho” alisema Anasaitazia.
Michael Kembaki
ni mfanyabihashara pia ni mkurugenzi wa kampuni ya Memorial Foundation katika
jiji nla Arusha ameweza kutoa msaada wa matibabu kwa mama huyo kwa lengo la
kuokoa maisha yake, akizungumza na gazeti hili alisema kuwa ameamua kusaidia
mama huyo kwa sababu ameguswa sana baada ya kuona mama huyo jinsi alivyofanyiwa
vitendo vya ukatili dhidi ya Mmewe kwa kisa cha kutozaa kwani hiyo ni mipango
ya mwenyezi mungu.
“Katika
maisha yangu nimejaliwa kusaidia jamii yote kwa kile kichache mwenyezi mungu
ambacho amenjialia lengo ni kuokoa mama huyu iliaweze kwenda Bugando kwa ajili
ya kufanyiwa uchunguzi zaidi” alisema Kembaki.
Kembaki alitoa Tsh 200,000 kugarimia nauli na garama ya
kumfikisha majeruhi Bugando Mwanza pamoja na Tsh 50,000 kugarimia chakula cha
mgonjwa ambaye hana jamaa na ndugu kipindi alipopata nafasi ya kutembelea
wagonjwa katika Hospitali ya Halimshauri ya mji wa Tarime kwa lengo la
kuwajulia hali, huku akiwapelekea Sabuni, matunda na Mahitaji mengin muhimu ya
Binadamu.
Aidha kembaki alitumia
nafasi hiyo kuiomba jamii kuondokana na vitendo vya ukatili ikiwa ni pamoja na
kumpa mwanamke nafasi kubwa katika jamii huska na si kumunyanyasa, Vipigo vya
kila mara suala ambalo linazidi
kumkatisha tama.
…….Mwisho…
