Majipu, kizunguzungu kwa waliokunywa dawa ya Sangoma Tarime

Majipu, kizunguzungu kwa waliokunywa dawa ya Sangoma Tarime

 Tarime.

Hali ya walionaswa baada ya kunywa dawa ya “Sangoma” mei saba mwaka huu katika kijiji cha Kenyamanyori Wilayani Tarime si ya kutilia matumaini ijapo kwa kwa sasa wanajitambua na kuongea, wamekumbwa na dhahama ya mlipuko wa majipu na kuishishiwa nguvu mwilini.

Waathirika hao wameeleza kuwa hawana nguvu ya kufanya kazi, kama ilivyo kuwa mwanzoni hali inayowafanya hata familia zao kuathirika kiuchumi na zinakula kwa shida.

Wawili kati ya wanane walionaswa na dawa ya mganga kutoka Busia Kenya mei 7 wameeleza na kuwa majipu yameenza kuwatokea sehemu mbalimbali za miili yao na kuwafanya waingiwe na hofu ya uhawao.

Mwananchi lilipata kukutana na Moya Mwita 29 aliyesema kuwa alipata fahamu baada ya siklu tatu akiwa kwa mganga katika eneo la Karugekere Bunda na alikaa huko wiki nzima akipata matibabu.

“Daada ya siku tatu ndio nilipata fahamu nikiwa kwa mganga huko Bunda, lakini nilimaliza wiki nzima bila kupata choo kubwa, wakati huo sikuwa na hamu ya kula chakula chochote isipokuwa maziwa na uji waliokuwa wananilazimisha kunywa” alisema Mwita. 

"Nakuongeza:

“Kutokana na (sumu) dawa ile nimeanza kutokwa na majipu hata hapa nilipo ninaumwa” alionyesha Mwita wakati akieleza majipu yalitomtokea.

Makoromu Nyangera 48 yeye alikiri kuwa na hali mbaya kiafya na kuwa kila siku inapofika usiku tumbo humvuruga, hapendi kusikia kelele na mwanga mkali ambavyo alisema vinamsabaisha kichwa kuwa katika hali mbaya.

“Ukifika usiku saa 11 alfajiri tumbo linaunguruma hali ambayo zamani haikuwa hivyo, njiani nikitembea naona bahari, kizunguzungu. Hali hiyo ikitokea natamani nikae sehemu tulivu nipumzike au nilale” alisema Makoromu, akaongeza:

Nguvu yangu ya zamani imeisha, nilikuwa nafanya kazi ya shamba saa nane lakini kwa sasa ni saa mbili tu nimechoka, nimepata pigo … familia yangu inakula kwa kusuasua maana nimetumia mtaji wote kujitibu ingawa mpaka sasa walikuwa wananihudumia hawaniambia wametumia kiasi gani…. Mimi nilipelekwa Mwanza” alisema.

Ayubu Wambura aliyeibiwa alisema kuwa  watu hao hawaonyeshi dalili za kumrudishia mali yake na kuwadhahadhalisha kuwa isije ikafika sehemu wakamlaumu .

“Waliniibia na kumuua mke wangu wameonekana wazi lakini hawataki kunirejeshea gharama na mtaji wangu, wasije wakanilaumu kwa mengine yanayoweza kutokea hapo baadaye” alisema Wambura’

Hata hivyo wananchi walieleza kuwa walionaswa na dawa ndio wahusika wa tukio la kuibiwa kwa Wambura kinachotakiwa wamlipe kiasi alichotaka ili kupunguza matatizo yanayoweza kutokea baadayes.

"Walionaswa na dawa ndio wezi , anayewapa kichwa ni usalama wa taifa aliyeko Dar salaam ambaye mdogo wake alinaswa na ndiye aliyeagiza Wambura akawekwa ndani siku tatu akitishia kuwa mdogo wake akifa “ alisema mmoja wa wanakijijis(Griady rioba). Hakutaka jina lake liwe gazetini.

Awali kamanda wa polisi mkoa wa kipolisi Tarime Rorya Justus Kamgisha alisema kuwa kinachofanywa ni mganga kuwekwa hatiani kutokana na kitendo alichokifanya kwa kuwanywesha wananchi dawa.

“ Watu hawa wanamakasa na kama jeshi la polisi mtuhumiwa hayupo alisha kimbilia kwao Kenya ili kulishughulikia hili lazima apatikana ” alisema Kamgisha.