Mama akana mtoto wake kituo cha polisi

Mama akana mtoto wake kituo cha polisi

Tarime:

Mkazi wa Sirari anashikiriwa na jeshi la polisi katika kituo cha polisi Sirari kwa kumtelekeza mtoto wake wa kuzaa mwenye umri wa miezi sita aliyetajwa kwa jina la Gloria Lucas.

Binti  huyo aliyejitambulisha kwa jina la Mariam mwita mwenye umri wa 16 alimtelekeza mwanaye  juni 7 katika kijiji cha Gwitiryo  kata ya Nyamaraga Wilayani Tarime  kwa kumpeleka kwa mzazi mwenza kisha kumwacha nje ya geti majira ya usiku.

Akitoa maelezo kituoni hapo juni 9, Mariam alisema kuwa hataki mtoto na ndiyo maana aliamua kumpeleka kwa baba yake ili awe katika mikono salama badala ya kumpeleka sehemu nyingine.

Mariamu anayeishi Sirari katika nyumba ya wageni iitwayo MK aliondoka nyumbani kwao mwaka 2010 akiacha masomo ya shule ya msingi, baada ya  kuwashinda wazazi wake waliokuwa wakimkanya kuacha tabia yake mbaya.

 Alikimbilia   mji mdogo wa Sirari na kuamua kuwahudumia wanaume kimwili kila walipojitokeza kutaka huduma yake hadi hivi sasa alipoona mwanaye Glory anambana kutoa huduma hiyo na kuamua kufanya unyama huo wa kumtelekeza akingali akihitaji maziwa na yake. 

“Sitaki mtoto ananibana na shindwa kuwahuru kufanya mambo yangu” alisema mtoto huyo wakati wa mahojiano.

Hata hivyo alikutana na Lucas Muhiri 17 ambaye ni baba yake na mtoto Glory mwaka 2012 na kuamua kuanzisha mahusiano Wakiwa katika kijiji  cha Kebeyo ambapo walipeana ahadi ya kuoana na kuanzisha mahusiano wakati wakijiandaa kutimiza ndoto yao ya kuwa mume na mke ijapo umri wao ulikuwa bado wa utotoni.

Muhiri akiwa na mtoto wake alisema kuwa wakati wakijiandaa kuitimiza ndoto yao mwaka jana januari, dada yake aliuagua na kumwita kwenda mwanza kumwangalizia mji ili aende kwenye matibabu  Dar Salaam na aliporudi hawakuwa na mawasiliano tena tangu mwezi wa pili kwaka huu.

Hata hivyo Muhiri ambaye kwa wakati huo alikuwa kinyozi katika kitongoji cha Nyantaburo katika kijiji Kebeyo amekiri kuwa mtoto ni wake na kumpokea kumlea kwa kukabidhiwa na serikali ya kata na polisi kimaandishi baada ya kuonekana kuwa hakuna sehemu nyi ngine salama atakapopelekwa isipokuwa kwake.

Mama aliyemwokota mtoto Gloria, Rhobi Muhiri (55) amesema aligundua kuwa kuna mtoto nje ya geti baada ya kuambia na mjukuu wake mwenye miaka 6 aliyemtaja kwa jina Wambura Nyamohanga majira ya kati ya saa moja ama saa mbili usiku lakini hakuamini hadi alipomsikia akilia.

Rhobi alisema kuwa baada kufika getini hapo alimkuta mtoto amefunikwa kitambaa bila nguo nyingine pembeni kukiwa na nguo zake na unga wa ule, huku  akionekana kuwa hajala kwa muda fulani, ambapo alimchukuwa na kumpeleka ndani kumwandalia uji.

Alilala naye hadi kesho yake juni 8 alipoenda kutoa taarifa kwa mwenyekiti wa kitongoji lakini hakumkuta na kuacha taarifa kwa mke wake. Aliondoka kwenda  kituo cha polisi  sirari na kutoa maelezo juu ya mtoto huyo na kuambiwa arudi naye kesho yake kwa makupewa maelekezo zaidi.

Baada  ya taarifa kusambaa mji mdogo wa Sirari mama yake na mtoto alifahamika na baba yake pia kufahamika , “Kumbe alikuwa mjuu wangu” alisema Muhiri.

Awali mwenyekiti wa kijiji cha Sirari Nyangoko Romani alisema kuwa siku ya jumapili akitoka kanisa aliitwa na mtoto akimwambia kuwa kuna mtu anamuita kwenye nyumba ya kulala wageni ya MK alipoenda aliwakuta watu wamejaa wamemzunguka binti huyo.

Baada ya kuhoji aliambiwa walikuwa wanamshuku Mariamu kutokuwa na mtoto na walihitaji awambie alikompeleka lakini akikana kutosema chochote.

“…alikataa kusema alipo mtoto nilipokuwa nikimuuliza, nikamzaba kofi akaomba kusema name nikamwamrisha aseme alipo mtoto wake ndipo aliposema alimpeleka Kijiji cha Gwitiryo na kumwacha huko. Wakati huo taarifa zilikuwa zimesikika za mtoto kuotokotwa kijijni hapo” alisema Romani.

Afisa maendeleo wa kata ya sirari Gabriel Nguvava amesema kuwa  kutokana hali ya kata na Wilaya kukosa kituo cha kulelea watoto wadogo wameamua kumkabidhi mama Mhuiri mtoto ili kuendelea kuwa katika miko salama.

 “Matukio   ya ukatili katika Mji wa sirari ni kati ya asilimia 80-90 ikionenyesha kuwa kuna haja ya serikali kutoa elimu juu ya umri rika ili wanapoingia katika mahusiano na kukutwa na mimba,wajue  njia sahihi ya kutatua matatizo yao ni kufika katika dawati la jinsia ofisi za maendeo ya jamii na kwa ushirikiano wa dawati la jinsia la polisi matatizo yatatauliwa na si kuwatelekeza wanao”.

Mratibu   dawati la jinsia kituo cha Polisi Sirari Veronica Alphonce alisema kuwa suala hilo lilikuwa ngazi ya kituo hakupenda kulizungumzia kwa kuwa yeye si msemaji ijapo walikuwa wanatafuta  jinsi ya kufanya kushughulikia tatizo la binti huyo kwani kitendo alichokifanya kilikuwa ni kibaya, kwa umri wake hakutakiwa kuwa na mtoto.

“Matukio haya ni mengi eneo hili la Sirari kutokana na mwingiliano wa wageni wengi, tunapata vyesi vingi kila siku” alisema Alphonce .

ATT: Rhobi Muhiri (55) akiwa amebeba mtoto Glory aliyemwokota getini kwake baada ya kutelekezwa na Mariam Mwita 16 .

2.Lucas Muhiri (17) na mama yake Rhobi Muhiri akiwa amembeba mjukuu wake baada ya kukabidhiwa kimaandishi na ofisi ya maendeleo ya jamii kata ya Sirari na mbele ya jeshi la Polisi kumtunza mtoto huyo.

Mwisho.