SIMBA WANAIJUA MBAO, WASEMA HAUTAKUWA MCHEZO LAINI
Ikiwa
ndiyo kwenda katika mchezo wa kesho Alhamisi kati ya wenyeji Mbao FC na
Simba, benchi la ufundi la Simba limesema kuwa, wapinzani wao hao siyo
wa kuwachukulia poa.
Simba
ambayo inashika nafasi ya pili kwenye msimamo wa Ligi Kuu Bara,
imeyasema hayo na kubainisha kuwa, msimu uliopita, walipata shida sana
kuondoka na ushindi walipokutana na timu hiyo hasa kwenye Uwanja wa CCM
Kirumba ambao watachezea keshokutwa.
Mkuu
wa Kitengo cha Habari na Mawasiliano wa Simba, Haji Manara, alisema
Mbao ni miongoni mwa timu imara hasa zinapokuwa kwenye uwanja wake wa
nyumbani, hivyo wamejipanga kikamilifu kukabiliana nao.
“Nakumbuka
msimu uliopita tulipoenda kucheza mechi ya ligi kwao, ilituwia vigumu
sana kuondoka na alama tatu kwani hadi dakika ya 80, tulikuwa nyuma kwa
mabao 2-0. Tukapambana zaidi tukaibuka na ushindi wa mabao 3-2.
“Lakini
hata kwenye fainali ya Kombe la FA, licha ya kushinda kwa mabao 2-1,
lakini walitupa wakati mgumu, hivyo tunaenda kupambana nao tukiwa kamili
lengo ni kuhakikisha tunapata pointi tatu na kukaa kileleni,” alisema
Manara.