Picha 7 : MBUNGE WA CCM JOSEPH MSUKUMA NA MADIWANI WALIVYOTINGA NA KUTOKA MAHAKAMANI LEO
Mbunge wa Jimbo la Geita Joseph Kasheku Msukuma akiwa na wenzake wakielekea mahakamani.Picha zote na Joel Maduka
Mbunge Msukuma akisalimiana na wananchi wakati akiingia ndani ya mahakama.
Makamu
Mwenyekiti wa Halmashauri ya Wilaya ya Geita,Bi Khadja Said na Diwani
wa viti maalum Bi,Mahimuna Mingisi wakiingia ndani ya mahakama.
Mbunge Msukuma akitoka Nje ya mahakama baada ya kupatiwa dhamana.
Mbunge
wa Jimbo la Geita ambaye pia ni Mwenyekiti wa Chama Cha Mapinduzi CCM
Mkoa wa Geita Joseph Kasheku Msukuma akiwapungia Mkono wananchi
waliokuwa nje ya mahakama baada ya kutoka ndani ya mahakama ya hakimu
Mkazi Mkoani Geita kwa dhamana ya Sh,Milioni Tano pamoja na viongozi
wengine.
Wananchi wakiwa nje ya mahakama
****
Mbunge wa Jimbo la Geita Joseph Msukuma
na madiwani 7 wa halmashauri ya Mji wa Geita na Wilaya ya Geita pamoja
na mwananchi mmoja jana Jumanne Septemba 19,2017 wamefikishwa katika
Mahakama ya Hakimu Mkazi Mkoa wa Geita na kusomewa mashtaka manne
yanayowakabili.
Kwa nyakati tofauti kuanzia Septemba 14 hadi 17 walikamatwa na polisi
wakituhumiwa kuhusika kufunga barabara za kuingia kwenye mgodi wa
dhahabu wa Geita (GGM).
Septemba 14 madiwani wa halmashauri mbili za Wilaya ya Geita walifunga
barabara zinazoingia GGM wakishinikiza kulipwa Dola 12 milioni za
Marekani zinazotokana na ushuru wa huduma.
Mbali na mbunge huyo,washitakiwa wengine waliofikishwa mahakamni hapo ni
Madiwani Costantine Morandi, Winfrida Malunde, Ngudungu Joseph, Martin
Kwilasa, Hadija Said, Michael Kapaya, Maimuna Mengisi na Steven Werema
ambaye ni mwananchi.
Mbele ya hakimu Mkazi mfawidhi Ushindi Swalo, upande wa mashtaka
ukiongozwa na mawakili wa Serikali, Emily Kiria na Hezron Mwasimba,
Wakili Hezron amesema Septemba 14 mwaka huu majira ya saa nne asubuhi
washtakiwa hao wanadaiwa kufanya mkutano usio halali, kula njama, kuziba
barabara na kuharibu Bomba la maji kutoka Ziwa Viktoria kwenda kwenye
mgodi wa GGM.
Baada ya kusomewa mashtaka hayo, washitakiwa wote wamekana kuhusika na
vitendo hivyo na wameachiwa kwa dhamana ya Sh Milioni 5 huku kila
mshitakiwa akitimiza masharti ya kuwa na mdhamini mmoja.
Aidha kesi hiyo imeahirishwa hadi Oktoba 10 mwaka huu.
Chanzo-Maduka online
