Mkuu wa mkoa wa mara Dkt. CHARLES mlingwa amemuagiza Mkurugenzi huyo kufanya mabadiliko ya wakuu wa idara
katika kitengo cha hazina na Mipango katika idara hizo kwa kuwa
havina ufanisi wa utendaji wao wa kazi unaopelekea kuchelewesha kwa
miradi mbalimbali ya maendeleo ya wananchi.
Mvutano uliokuwepo wa mgawanyo wa asilimia ya Mgodi wa Cata Mining
ulioko katika halmashauri ya Wilaya ya Musoma zimekwisha baada ya
kuwepo kwa makubaliano ya kugawana mrahaba huo ulioko Kijiji cha
Kataryo huku baadhi ya madiwani wakiiomba serikali ya Mkoa kuangalia
upya suala hilo kwani mipaka yake iko halmashauri ya Musoma na si
Butiama.
Akizungumza katika kikao cha kawaida cha baraza la madiwani katika
halmashauri ya Musoma,Mkuu wa Mkoa wa Mara. Dk.Charles Mligwa alisema
kuwa kutokana na mzozo uliokuwepo wa mrahaba uende wapi, halmashauri
hizo zimekubaliana kugawana sawa kwa sawa kwa asilimia 50.
‘’Niliwashangaa kwa nini mnazozana na huku nchi hii ni yetu
wote,mnakuwa kimusoma musoma,nani anastahili kupata mrahaba, hivyo
mlivyofanya ndo uzalendo, angalie Mara kwanza…angalia Mkoa wa
Mara,hivyo halmashauri itaongeza lengo la makusanyo kutokana na
mrahaba ambao utaanza kuwekwa kesho baada ya nyie kukubaliana’’
Alisema Mligwa.
Alisema kuwa hazima ya serikali ni kuona halmashauri zinakuwa na uwezo
wake zenyewe kwa kuwa na makusanyo yanayozidi lengo ambapo pia
amewapongeza watendaji wa halmashauri hiyo kuvuka lengo la makusanyo
na kukusanya asilimia 81.
Aliongeza kuwa kwa kuwa tayari halmashauri imekubali kugawana mrahaba
wa mgodi huo makusanyo yataongezeka na kuwa zaidi ya asilimi 100.
Aidha amezipongeza halmashauri hiyo kupambana na uvuvi haramu ambao
umeongeza mapato na kuwataka kutokomeza uvuvi haramu ambao unaua
mazalia ya samaki na watendaji kuendelea kupambana na uvuvi haramu.
Aliongeza’’Uvuvi haramu umesababisha kuua viwanda vya samaki kutokana
na viwanda kufugwa ambapo Manispaa ya Musoma ilikuwa na viwanda
vipatavyo vinne lakini mpaka sasa vinavyofanya kazi kimebaki kimoja,
hivyo unaweza kuona ni jinsi gani wananchi wameathirika kwa kukosa
ajira na sera ya Rais ya kuwa na viwanda ipo, hivyo watendaji
wanapaswa kuhakikisha uvuvi haramu unatoweka’’.
Amewataka pia kuepukana na matumizi yasiyo ya lazima na kuwataka
kikao kijacho cha baraza la madiwani cha mwezi wa saba kufanyika
katika kata ya Murangi na kumtaka Mkurugenzi Mtendaji wa halmashauri
hiyo Frola Yongola kufanya maandalizi mapema ili aandae baraza hilo
kupunguza gharama.
Pia amemuagiza Mkurugenzi huyo kufanya mabadiliko ya wakuu wa idara
katika kitengo cha hazina na Mipango katika idara hizo kwa kuwa
havina ufanisi wa utendaji wao wa kazi unaopelekea kuchelewesha kwa
miradi mbalimbali ya maendeleo ya wananchi.
‘’Sina nia mbaya ya kumuadhibu mtumishi kama anafanya vizuri kazi
yake bali ni kuhakikisha rasilimali watu vizuri ili kuweza kukua
kama kuna mtu hana sifa aondolewe''Alikazia.Mlingwa
Naye diwani wa kata ya Buringa, Mambo Japan alisema kuwa pamoja na
makubaliano hayo mgodi huo uko katika kata ya kataryo na wakati
wanagwa kuna ramani zinazoonyesha kuwa eneo hili ni Musoma huku
wakishirikiana na maafisa ardhi wallikwenda kubadilisha ramani hivyo
ameiomba serikali kujua mgodi uko wapi ili mrahaba uende sehemu huska.
‘’sisi tuko hapa kwa niaba ya wananchi, kutaka halmashauri iende
tunaomba mkurugenzi kuweka utaratibu kati ya madiwani na watendaji wa
halmashauri na kwa upande wa uvuvi haramu mabwana samaki wapo wana
makokoro zaidi ya 10 na wamewafumbia macho, endapo serikali
haitachukua hatua uvuvi haramu hautaisha’’Alisema Japan.
Naye Diwani wa kata ya Suguti Dennis Ekwabi aliiomba serikali
kuangalia endapo kuna uwezekanao wa kuwapatia chakula wananchi
walioathirika na njaa kutokana na wadudu waharibifu wanaoharibu
mahindi ambalo ni zao kubwa la chakula na biashara katika Wilaya hiyo
na Mkoa wa ujumla.
Akijibu hoja zao Mkuu wa Mkoa alisema haiwezekani viongozi wakawa
hawana ushirikiano kati ya watendaji wa halmashauri na madiwani na
endapo maafisa ardhi wapo katika mtandao wa uvuvi haramu waondolewe
kazini na endapo kuna uhakika na wanaojihusisha na wako katika mtandao
wa wavuvi haramu waondolewe na wapelekwe sehemu nyingine
|
