Kocha Mkuu wa Yanga, George Lwandamina amemuorosha mshambulizi Donaldo Ngoma katika idadi ya washambulizi anaowataka msimu ujao.
Hali
hiyo imeonekana kuwashangaza baadhi kwa kuwa wanaamini Ngoma ataondoka
na tayari mapenzi ya Wanayanga yameanza kuondoka kwake.
Mkataba
wa Ngoma umebakiza mwezi mmoja tu kuisha na uongozi wa Yanga ulitangaza
kwamba mchezaji anayetaka kuondoka ruksa na kumekuwa na taarifa kuwa
Ngoma yuko kwenye rada za watani wao Simba.
Taraifa
za ndani kutoka Yanga, zimeeleza, Lwandamina anataka mshambulizi mwenye
usumbufu kama wa Ngoma kwa kuwa anakuwa anwachosha mabeki kama ilivyo
kwa Jesse Were raia wa Kenya ambaye anakipiga Zesco ya Zambia aliyokuwa
anaifundisha kabla ya kutua Yanga.
"Unaona
Chirwa anaanza kuimarika, ni msumbufu lakini anatokea pembeni. Kocha
angependa kupata mchezaji msumbufu pia katikati ya uwanja.
"Anaamini hiyo itampa nafasi ya mchezaji kama Tambwe kufunga kwa urahisi. Naamini wamezungumza na Ngoma," kilieleza chanzo.
