RORYA,WAJAWAZITO 858 WADAIWA KUJIFUNGULIA MAJUMBANI KWA KPINDI CHA MIEZI 3.

WAJAWAZITO 2513  wilayani Rorya mkoani Mara wamehudhuria clinic  katika vituo vya kutolea huduma ya Afya kati ya hao 1,655 walijifungulia vituoni katka kipindi cha April-Juni/2016 huku Wazazi  858 wakiwa hawajulikani mahali walikojifungulia ambao wengi wao wamedaiwa kujifungulia majumbani.

Diwani wa Kata ya Koryo ambaye pia ni Mwenyekiti wa Kamati ya Elimu,Afya na Maji Peter Sarungi (CCM)alisema kuwa baada ya Serikali kupitia watumishi wake kwenye vituo vya afya kutoa sharti la kila mjamzito kuhakikisha anakwenda na mmewe clinic bila hivyo hapatiwi huduma ya clinic imefanikisha idadi kubwa ya wanawake waliohudhuria clinic.

‘’Wajawazito waliokusudiwa ni 2925,Wajawazito waliohudhulia clinic ni 2513 na Wazazi waliojifungulia Vituo vya kutolea huduma ya Afya ni 1655  watu 858 hawajulikani walijifungulia wapi najua wengi wao wamejifungulia majumbani,Serikali itoe elimu kama walivyofanya la mjamzito kwenda clinic na mme wake watafute mbinu nyingine ya kuhakikisha kila mjamzito anajifungulia kituo cha Afya”alisema Sarungi.

Diwani wa Viti maalum Tarafa ya luo-imbo Edina Charles (CCM)  alisema kuwa kuwepo kwa umbali wa Zahanati vijijini imeababisha wajawazito kujifungulia nyumbani au njiani kwakuwa ushindwa kufika hili hali wakiwa na uchungu wa kujifungua na maeneo mengine yakiwa hayana miundombinu mizuri ya barabara.

Diwani wa Kata ya Kitembe Thomas Patric (Chadema)ambaye ni mjumbe wa Kamati ya Fedha alisema kuwa kipato duni kinakwamisha wajawazito kujifungulia hospitali kwakukoa pesa za usafiri na gharama za hospitali ambapo pia ukwepa ili kuepuka usumbufu wa hospital.

Diwani wa kata ya Mirare Adrian Nyawambo  aliongeza”  kata ina vijiji 4 lakini  kituo cha Afya kimoja, umbali wa kufika huko  kilomita zaidi 5-10  ili akajifungue hospitali anatakiwa aende Shirati au Kowak,akitoka  Ingri kwenda kituo cha afya Changuge ni  mwendo wa kilomita zaidi ya 10 umbali wa huduma unawafanya wajifungulie majumbani” alisema Nyawambo.