WANNE WAFA KWA MATUKIO TOFAUTI LIKIWAMO LA KUCHOMANA VISU KUNYONGWA,NA MWANAFUNZI ABAKWA.

 

WATU wanne  wilayani Tarime mkoani Mara wamefariki dunia  kwa matukio tofauti  likiwamo la watatu  kufa kwa kuchomwa kisu tumboni na shingoni huku mwingine  akilazwa hospitali ya wilaya  na mtu mwingine amekufa kwa kunyongwa ambapo chanzo cha matukio hayo ni wivu wa kimapenzi,Ugomvi  ambapo marehemu  wengine chanzo cha vifo vyao havijafahamika ,matukio yote hayo yametokea ndani ya siku mbili huku mwanafunzi wa shule ya Msingi wa miaka 14  akibakwa na kusababishiwa maumivu makali.

 

Kamanda wa Polisi mkoa wa kipolisi Tarime/Rorya  ACP. Andrew Satta alithibitisha kutokea kwa matukio hayo ,alisema kuwa mnamo  Juni 5,2016 majira ya saa 2 usiku barabara ya Mogabiri  Kata ya Kenyamanyori Wilayani Tarime ,Daniel Masubo (20) mkazi wa Mogabiri  alijeruhiwa kwa kuchomwa kisu shingoni karibu na koromeo na Steven Mniko (30) mkazi wa kijiji hicho ambaye nayeye alijeruhiwa kwa kisu shingoni.

 

Kamanda Satta alisema kuwa Majeruhi wote walifikishwa hospitali ya wilaya ya Tarime kwa matibabu na ilipofika majira ya saa 4 usiku Daniel Masubo alifariki dunia akiwa anaendelea na matibabu na chanzo cha tukuo ni baada ya marehemu kumaliza shughuli zake Mogabiri senta wakati akienda nyumbani kwake akiwa anaendesha pikipiki yake kwa bahati mbaya alimgusa mtuhumiwa.

 

 Satta aliongeza kuwa baada ya mtuhumiwa kuguswa ndipo ugomvi ulipoanza na kuanza kushambuliana kwa visu nakwamba mtuhumiwa amelazwa katika hospital ya Wilaya Tarime kwa matibabu chini ya ulinzi wa polisi na atafikishwa mahakamani mara atakapopata nafuu.

 

Kamanda Satta anaeleza tukio lingine Juni 3,2016 katika kitongoji cha  Kitare kijiji cha Kimusi kata ya Nyamwaga wilayani hapa  Gikaro Magaigwa (32) mkazi wa kijiji cha kimusi aliuwawa kwa kwa kuchomwa kisu tumboni upande wa kulia na kiganja cha mkono wa kushoto na Babere Mniko  na chanzo cha tukio hilo hakijajulikana na mtuhumiwa alikimbia na anatafutwa na Polisi.

 

Satta alisema tukio lingine  limetokea Juni 3,2016 katika kitongoji cha Bubiritocho kijiji cha Borega “B” Kata ya Mbogi Gimonge Chacha (20) mkazi wa kijiji hicho alijeruhiwa kwa kuchomwa kisu tumboni na Mwita Taisamu, majeruhi alilazwa hospitali ya mkoa wa Mara na hali yake ni mbaya na mtuhumiwa alitoroka kabla hajakamatwa na chanzo cha tukio hakijafahamika.

 

Hata hivyo mwenyekiti wa kijiji cha Borega B. Omari Juma alisema kuwa “ Marehemu alichomwa kisu wakiwa arusini       na alifariki akiwa anapatiwa matibabu Hospitali ya Musoma  na chanzo cha kifo ni baada ya marehemu kumtania  mtuhumiwa  kuwa bibi arusi alikuwa ni Demu wake  na amekula pesa yake sh.5,000 na atammisi sana  kwakuwa kaolewa na walizidi kutaniana mwishowe kukazuka ugomvi  na kumchoma kisu marehemu”alisema Mwenyekiti wa kijiji.

 

 

Sata alisema  tukio lingine  Mkazi wa kitongoji cha Matoke kijiji cha Mangucha kata yaNyanungu wilayani hapa Lameck Makanga(45) aliuwawa kwa kunyongwa na kamba shingoni na mtu/watu wasiofahamika  saa tisa jioni na kwamba Jeshi la Polisi linamshikiria  Rhob Makanga,(30) kwa mahojiano zaidi kwakuwa taarifa za awali zinaonyesha kuwa kulikuwa na ugomvi kati ya marehemu na mke wake hiyo.

 

Satta alisema kuwa marehemu alikuwa anamtuhumu mke wake huyo mdogo kuwa na mahusiano ya kimapenzi na mwanaume mwingine na hivyo kupanga njama na watu wasiojulikana na kumyonga.

 

Wakati huohuo, Mwanafunzi wa darasa la sita wa miaka (14) katika shule ya msingi Bag iliyopo Nchini Kenya ambaye ni mkazi wa Buriba kata ya Sirari wilayani hapa amebakwa na Kelvin Nyambuga(22) ambaye ni fundi ujenzi na mkazi wa kijiji hicho cha Sirari na kumsababishia maumivu makali.

 

Satta alisema kuwa tukio hilo lilitokea juni 5,2016 majira ya saa 11 jioni huko kitongoji cha Nyasoko kata ya Sirari nakwamba myuhumiwa amekamatwa na mara baada ya mahojiano atafikishwa mahakamani.