WAHANGA WA UKATILI WA KIJINSIA TARIME CDF YAWAPA MAFUNZO YA UJASILIAMALI.

AFISA MAENDELEO YA JAMII WILAYANI TARIME MKOANI MARA VICTOR KABUJE KATIKATI AKIONESHWA BAADHI YA BIDHAA ZILIZOTENGENEZWA NA WASICHANA HAO KULIA NI MENEJA SIDO MKOA WA MARA FRIDA MUNGULU.

Wilayanni Tarime Mkoani Zaidi ya wasichana 50 wakiwemo ambao wamekumbwa na vitendo vya ukatili wa kijinsia ukewemo ukeketaji, Ndoa za Utotoni, Ugumu wa Maisha na kupelekea kuacha masomo, Wasichana wanaishi katika maisha magumu  pamoja na mimba za utotoni wamepata mafunzo ya ujasiliamali ukiwemo utengenezaji wa Sabuni pamoja na Batiki ili kuwezakujikimu na kujiinua kiuchumi kwa lengo la kuondokana na utegemezi huku wakifundishwa kwa lengo la kuwa mabalozi vijijini na kusamabza Elimu hiyo.

Mafunzo hayo yametolewa hivi karibuni katika ukumbi wa Roma Springi Hotel Halmashauri ya Mji wa TAarime Mkoani Mara  takribani siku Nne ambapo washiriki wa mafunzo hayo wamezidi kuiomba serikali kuwaunga mkono kwa kuwapa mikopo yenye riba kidogo ili kuweza kununu mali ghafi kwa ajili ya kutengeneza bidhaa hizo.

Aines Chacha kutoka kata ya Manga alisem akuwa kabla ya kupata mafunzo hayo baada ya kukosa ada ya sule aliweza kuacha shule na kuendelea na shughuli za kilimo kwa kushirikiana na wazazi hivyo baada ya kupata mafunzo hayo itamusaidia katika kujikwamua kiuchumi huku akiwasihi wenzake kuwa walimu ili kila msicha ambaye amekumbwa na janga aweze kujikwamua kiuchumi.

Kambibi Kamugisha kutoka shirika lisilokuwa la kiserikali Jukwaa la utu wa Mtoto CDF Amesema kuwa mafunzo hayo yameshirkisha watoto wa kike kuanzia miaka 18 mpaka 24 ambap baadhi yao ni wahanga wa ukatili wa kijinsia ukiwemo Ukeketaji na Ndoa za Utotoni hivyo kama shirika limetambua hilo mabli na kuwapa Elimu juu ya kupinga vitendo vya Ukatili wa kijinsia wameamua kuwapa Elimu ya Ujasiliamali ili waweze kujinuka kiuchumi.

Aidha Kamugisha aliongeza kuwa Shirika hilo pia Kwa kushirikiana na Shirika la Forward lililpo UK Chini ya Ufadhili wa shirika la COMIC RELIEF,SIGRID RAUSINGbaada ya wasichana hao kuopata mafunzo hayo wataweza kuunda makundi ili kuweza kupewa mikopo isiyokuwa na riba na yenye mashariti nafuu ili waweze kurejesha nakuweza kukopesha vikundi vingine.

“Mafunzo haya yameshirikisha kata Tano ikiwemo kata ya Manga, Matongo,Susuni,Mwema na Nkende na zaidi ya wasicha 50 wamepata mafunzo na tulikuwa tumelenga wasicha 60 na muradi huu ni watakribani miaka mitatu ambapo tumelenga kukomboa mtoto wa kike wilayani Tarime” alisema Kamugisha. 

Kwa upande wake Meneja wa SIDO Mkoa wa Mara Frida Mungulu alisema kuwa sasa ni matumaini kwa wasichana hao kuenda kufanya kazi kwa ufanisi huku viwanda vya batiti na sabuni vikizidi kuongezeka nakuwaomba kutimia vyema mikopo watakayopewa na CDF ili badae watakaporejesha vyema waeze kukopa katika Taasisi nyingine za kifedha kwa lengo la kujikwamua kiuchumi.

Akifunga Mafunzo hayo Afisa Maendeleo ya jamii Victor Kabuje amedai kuwa kufundishwa kwa wasicha hao itakuwa chachu ya kusukuma maendeleo katika jamii huku akiwataka wasichana hao kwenda katika Halmashauri ya Wilaya ya Tarime kupitia Ofisi za Maendeleo ya Jamii kwa ajili ya kusajili vikundi vyao ili serikali iweze kuwapa mikopo.

“Tayari mmepata Fursa ana sisi kama serikali tunasukuru shirika la CDF Kwa sababu wamefanya kazi ambayo ingefanywa na ofisi yangu lakini kutoka na changamoto za rasilimali fedha hebu tumieni vyema fursa hiyo na ofisi zangu ziko wazi njoo niwape vyeti vya usajili kupitia makundi yenu ili na sisi serikali tuwape mikopo na nyie muwe mabalozi wetu katika kusambaza Elimu hiyo” alisema Kabuje.

Aidha Kabuje ameongezakuwa kuwa akina mama wilayani Tarime hawana budi kutumia fursa iliyopo baina ya mpaka wa Tanzania na kenya huku akilaani vikali vitendo vya ukatili wa kijinsia ambavyo vinafanywa na jamii ukiwemo Ukeketaji na Vipigo kwa wanawake.