MATIKO NITASIMAMIA SHERIA NA FEDHA ZA MIRADI YA WANANCHI.

          MATIKO NITASIMAMIA SHERIA NA FEDHA ZA MIRADI YA WANANCHI.

Mbunge wa jimbo la Tarime Mjini kupitia Chama cha Demokrasia na Maendeleo CHADEMA Esther Matiko amesema kuwa atahakikisha anasimamia sheria na kanununi na taratibu za utumishi wa Umma pamoja na fedha za kutekeleza miradi mbalimbali ya jamii zinazotoka serikali kuu kupitia Halmashauri ya mji wa Tarime mjini kwa lengo la kuleta maendeleo kwa wananchi.

Hayo yamebainishwa kipindi akiongea na Cleo News  baada ya kutembelea gereza la wafungwa Wilayani Tarime Mkoani Mara na kutoa misaada mbalimbali kwa lengo la kutatua baadhi ya changamoto zinazowakabili wafungwa hao na mahabusu.

Mbunge huyo amesema kuwa kulingana na mazoea ya wananchi wakiwemo watumishi wa umma pamoja na sekta binafsi wamekuwa wakifanya kazi kwa mazoea hivyo alisema kuwa atahakikisha anasimamia vikali maadili ya utumishi wa Umma ikiwa ni pamoja na kusimamia ipasavyo fedha za miradi ya wananchi zinzotoka serikali kuu kwa lengo la kuwaletea wananchi wake maendeleo.

Mbunge huyo akiwa jimboni kwake ameweza kutembelea Taasisi mbalimbali likiwemo  za Serikali na zisizokuwa za kiserikali huku akipokea changamoto na baadhi kuzifanyia kazi pia ameweza kutembelea Gereza la Wilaya ya Tarime na kutoa Msaada wenye thamani ya shillingi 2,144,000 ikiwemo Ng’ombe mmoja mwenye  thamani ya shilingi laki nne na themanini  , computer aina Dell , printer HP, chelehani , mchele kilo 257, na mafuta ya kula.

“Nimeamua kutoa msaaada huu kwa wafungwa wa gereza la Tarime mabalo pia lina watu utoa Wilaya ya Rorya. Serengeti na Tarime Vijijini na Mjini kwa lengo la kuwapunguzia baadhi ya changamoto lakini bado nitaendelea kuwasemea Bungeni kama Mbunge wao” alisema Matiko.

Mbunge huyo amewaomba wananchi wake kushirikiana vyema kwa lengo la kujenga Tarime huku wakiondokana na tofauti za vyama kwani wakati wa ushabiki wa vyama umeisha bali washirikiane kwa kushirikisha mawazo ya kuijenga Tarime mjini.