MBUNGE WA VITI MAALUMU VIONGOZI ONDOENI TOFAUTI.

PICHA YA PAMOJA VIONGOZI WA CHAMA CHA DEMOKRASIA NA MAENDELEO CHADEMA MKOA WA SIMIYU BAADA YA KUFANAYA KIKAO CHA PAMOJA KATIKA UKUMBI WA  THE LAKE HOME ESTATE WILAYANI BUSEGA  WA PILI KUTOKA KULIA WALIOKETI KWENYE VITI NI MBUNGE WA VITI MAALUMU CHADEMA MKOA WA SIMIYU GIMBI DOTTO MASSABA.

MBUNGE WA VITI MAALUMU VIONGOZI ONDOENI TOFAUTI.

Mbunge wa viti maalumu mkoa wa Simiyu kupitia chama cha demokrasia na maendeleo CHADEMA  Gimbi Massaba amewataka viongozi wa chama hicho kuondoa tofauti walizonazo kwa lengo la kujenga chama ikiwa ni pamoja na kuwaletea wananchi maendeleo ya haraka.

Hayo yamebainishwa katika ziara yake ya kibunge ambayo inaendelea Mkoani Simiyu kwa lengo la kuzungumza na viongozi wa chadema wilaya ili kuweza kuondoa taofautizilizojitokeza kwa baadhi ya viongozi katika uchaguzi uliopita.

Akiongea na Wenyeviti wa wilaya, Makatibu Wilaya, Wenezi, Wilaya na majimbo kutoka katika mkoa mzima Wilayani Busega mbunge huyo alisema kuwa kwa sasa viongozi hao hawana budi kuondokana na tofauti kwani uchaguzi umemalizi bali wakae kwa pamoja na kushirikiana kwa lengo la kujenga chama upya huku wakitekeleza ahadi za wananchi walizowahaidi kipindi cha kampeni.

“Sote tunatambua kuwa  tulishirikiana kikamilifu katika uchaguzi mkuu kwa lengo la kuongoza serikali na Halmashauri zake zote, Tulipambana kila mmoja, Wengine wameumia na kupotea maisha yao na kuacha family yatima na baadhi wakipata ulemavu wa kudumu kwa lengo la kupigania chama hivyo wakati umefika tukaunganishe nguvu ili kujenga simiyu upya” alisema.

Hata hivyi mbunge huyo alisema kuwa  ni wakati sasa  viongozi hao ngazi ya wilaya na mkoa  kuhakikisha wanachukua hatua stahiki bila kumwonea mtu yeyote anapobainika kafanya kosa kinyume na katiba, kanuni na maadili ya chama hicho ili kuendelea kulinda heshima ya chama.

Aidha Massaba alitoa mwito kwa viongozi  kujenga utaratibu wa kuhudhuria vikao vya maendeleo ya kata na mabaraza ya madiwani ili kuweza kufaamu vitu vinavyozungumziwa huku wakijenga hoja na kuwapeleakea wananchi katika mstakabari wa maendeleo.

“Mimi kama mbunge wenu nitaendelea  kushirikiana nanyi vyema katika ujenzi wa chama kwa kutumia mshahara wangu ikiwa ni pamoja na kuhakikisha tunafanya vizuri katika uchaguzi ujao” alisema.