HALMASHAURI YAPITISHA BILLIONI 40 MWAKA WA FEDHA 2017-2018

Mwenyekiti wa Halmashuri ya Wilaya ya Tarime Moses Misiwa akisisitiza jambo wakati akifunga   kikao cha baraza la madiwani kilichokaa  leo kupitisha rasimu ya mpango na  bajeti ya Halmashuri hiyo kwa mwaka wa fedha wa 2017/2018. Wakwanza kushoto Mbunge wa Tarime vijijini John Heche.

Mkurugenzi Mtendaji wa Halamshauri ya Wilaya ya Tarime Apoo Castro Tindwa  akitoa taarifa ya rasimu ya mpango na  bajeti ya Halmashuri hiyo kwa mwaka wa fedha wa 2017/2018.

Mwenyekiti wa Halmashauri ya Wilaya ya Tarime Moses Misiwa amesema Halmashauri yake inafanya vizuri katika kukusanya mapato kutoka vyanzo vyake vya ndani na kutumia mapato hayo vizuri kutekeleza  miradi ya maendeleo .

Katika hotuba yake fupi yakufunga  kikao cha baraza la madiwani kilichokaa kupitisha rasimu ya mpango na  bajeti ya Halmashuri hiyo kwa mwaka wa fedha wa 2017/2018, Misiwa amesema wamekuwa wakikusanya zaidi ya asilimia 95 ya malengo.

“ Tutaendelea kufanya vizuri kwenye ukusanyaji wa mapato na kuyatumia vizuri.  Tumefanya vizuri kwenye madawati na ukarabati wa shule  “, amesema Mwenyekiti huyo ambaye pia ni Diwani wa Kata ya Nyamwaga.

“ Mwaka 2015/2016 lengo ilikuwa ni kukusanya  3.9 bilioni- na tulikusanya asilimia 95 . Kwa mwaka wa 2016/2017 lengo  ni 4.4 bilioni- tayari tumekusanya  asilimia 48 na tunategemea kufika asilimia 100 kwa miezi sita iliyobaki. Mwaka 2017/2018 tumelenga kukusanya  bilioni 4.5”, amefafanua.

 Awali Mkurugenzi Mtendaji wa Halamshauri ya Wilaya ya Tarime Apoo Castro Tindwa amesema Hamashuri hiyo imepanga kutumia zaidi ya shilingi bilioni 40 kwa mwaka wa fedha 2017/2018. Tindwa amesema bajeti hiyo itaongezeka kwa asilimia 9.08 ukilinganisha na bajeti  ya mwaka wa fedha unaondelea(2016/2017).

Baadhi ya madiwani  wakiwa kwenye kikao hicho

Kwa upande wake Mbunge wa Tarime Vijijini John Heche alisema kuwa nia ya Viongozi ambao ni wawakilishi wa wanachi ni kuwaletea wananchi maendeleo ya haraka na kutoa vipaumbele vyenye tija ikiwwemo Miundombinu ya barabara, Elimu Afya na Maji,

“Ukiangalia katika bajeti hii wameleta kukarabati Canteen kwa kiasi cha shili Millioni 60 tumekataa na kuzielekeza katika miundombinu ya barabara kwa sababu tumetumwa na wanachi hatuna budi kupendekeza miradi yenye vipaumbele vya kuwanufaisha wananchi wote” alisema Heche.