MBUNGE HECHE TUNAITAJI MAMBO MANNE YAWANUFAISHE WANACHI WA MARA.

PICHAYAMBUNGE WA JIMBO LA TARIME VIJIJINI JOHN HECHE AKIONGEA HII LEO KATIKA MKUTANO WA HADHARA MJINI SIRARI WILAYANI TARIME MKOANI MARA.

MBUNGE HECHE TUNAITAJI MAMBO MANNE YAWANUFAISHE WANACHI WA MARA.

Mbunge wa jimbo la Tarime vijijini John Heche amesema kuwa kwa kushirikiana na wabunge wote wa mkoa wa Mara bila kujali itikadi za vyama vya siasa watahakikisha kwa kipindi cha miaka mitano wanafanyia kazi   mambo Manne ili kuweza kuwaletea wanachi maendeleo ya haraka  ikiwemo kupatikana kwa Huduma ya Maji yanayotokana na ziwa Victoria katika majimbo yote ya mkoa wa Mara , kuhakikisha Mbuga ya wanyama Serengeti inanufaisha wanachi wote wa Mkoa wa Mara,kukamilika kwa Hospili ya Mkoa pamoja na kujengwa uwanja wa ndege  wa kimataifa Musoma.

Hayp yamebainishwa na mbunge wa jimbo la Tarime Vijiji kupitia CHADEMA Johh Heche  kwenye  mkutano wa hadhara uliofanyika katika mji wa sirari kipindi akongea na wanachi wake kuhusu mambo muhimu ambayo wamewekea mkakati kama wabunge wa mkoa wa Mara watakayohakikisha wanawafanyia wanachi kwa lengo la kuwaletea maendeleo.

Heche alisema kuwa mkoa wa Mara umejaliwa kuwa na rasilimali nyingi ikiwemo Dhahabu kwa upande wa Nyamongo, Mbunge kwa upande wa Serengeti, Maji yanayotokana na ziwa Victoria hivyo rasilimali hizo hazinabudi kuwanufaisha wananchi wote wa mkoa wa mara kwa kuhakikisha Huduma za Afya zinzpatikana Huduma za Maji na kupitika kwa Barabara.

“Bila kujali itikadi za vyama vyetu wabunge wote tunaotoka mkoa wa Mara tutashirikiana kupigania mambo hayo manne suala la Maji yanayotokana na ziwa Victoria, Mbuga ya Serengeti, Uwanja wa Ndege wa kimataifa Musoma pamoja na Hospitali ya Mkoa ili wananchi waondokane nakufuata Huduma Nairobi na Bugando” alisema Heche.

Kwa upande wake Mwenyekiti wa Halmashauri ya Wilaya ya Tarime Moses Yomami ambaye pia ni dawani wa kata ya Nyamwaga alisema kuwa atahakikisha anawachukulia hatua kali kwa baadhi ya watendaji wa serikali ambao wamekuwa wabadhilifu kwa  kuujumu fedha za serikali pamoja na wanachi jambo ambalo linakwamisha maendeleo.

Mases alisema kuwa katika kuzungukia miradi ya wanachi wameweza kugundua changamoto mbalimbali ukiwemo ubadhilifu wa fedha za wanchi na serikali hivyo amehaidi kuwa kupitia vikao vya madaiwani watahakikisha wanawashughulikia baadhi ya watendaji ambao wamekiuka taratibu za utumishi.

“Hatuwezi kuvumilia kila siku baadhi ya watendaji ambao wanaiba fedha za serikali na kusababishia Halmashauri hasara kubwa lazima tuwawajibishe kwa ajili ya kulinda heshima ya Halmashauri” alisema Moses.