JESHI LA POLISI LAMTUNUKU TUZO MAMA ALIYEPAMBANA NA JAMBAZI.

PICHA YA KAMANDA WA POLISI MKOA WA KIPOLISI TARIME RORYA GEMINI MUSHY AKIKABIDHI ZAWADI YA SHILINGI LAKI TANO KWA MAMA SHUJAASOPHIA STEVEN ALIYEPAMBANA NA JAMBAZI NA KUFANIKIWA KUMUNYANG'ANYA BUNDUKI NA RISASI 27.

JESHI la Polisi mkoa wa Kipolisi Tarime/Rorya limemtunuku hati ya tuzo ya ujasili na fedha laki tano mwanamke Sophia Stephen(46)  mkazi wa kijiji cha Buriba Wilayani Tarime aliyemyang’anya bunduki jambazi wakati jambazi akijaribu kupambana na mama huyo baada ya kumvamia Nyumbani kwake.

Kamanda wa Polisi mkoa wa Kipolisi Tarime/Rorya Geminis Mushy amesema kuwa kutokana na ujasili wake bila kuogopa kuwa ni mwanamke alipambana na majambazi na kufanikiwa kuchukuwa bunduki aina ya SMG/SR na Risasi 27 jambo ambalo limevuta hisia kwa watu wengi.

Mushy  amesema kuwa mnamo April 9,2016  majira ya saa mbili usiku mama huyo akiwa  kwenye shughuli zake za biashara kwenye duka lake nyumbani kwake alivamiwa na Gisanja Matinde(19) mkazi wa Getenga akiwa na wenzake 2 na kumyang’anya pesa 80,000.

“Walimwelekezea silaha hiyo wakimtishia asipowapa pesa watamuua,walivamia pia duka la Zaituni Magasi(29) na kumyang’anya 100,000  hata hivyo walipiga yowe wananchi wakafika kusaidia na askari wa dolia na Jambazi Gisanja akakamatwa bunduki ni SMG namba UK 115 ikiwa na risadi 27”alisema.

Hata hivyo mwanamke huyo alisema kuwa ameshajitoa muhanga na nijasiri kwa madai kuwa tukio la kuvamiwa ni la mara ya pili  kwake ila akawaomba wananchi mtu anapopiga yowe ya kuvamiwa wajitokeze kusaidia kwakile alichoeleza wananchi wangechelewa eneo la tukio huwenda angeuwawa.

Kamanda Mushy alimpongeza mwanamke huyo kwa ujasiri wa ajabu wa kukabiliana na jambazi huyo na hatimaye kuokoa silaha na risasi nakwamba jeshi la polisi linatambua mafanikio hayo.