MBUNGE CHADEMA SIMIYU ATOA MSAADA WA VITI VYENYE THMANI YA SHILINGI ZAIDI YA MILLIONI MBILI.

PICHA YA MBUNGE WA VITI MAALUMU MKOA WA SIMIYU GIMBI MASABA AKIKABIDHI MSAADA WA VITI 150 KWA UONGOZI WA CHAMA WILAYA YA ITILIMA  KATIKATI NI KATIBU WA CHADEMA WILAYA YA ITILIMA  MIGASA MIPAWA ANAYEFUATIWA NI KATIBU MWENEZI WILAYA MASUKE GUBI.

MBUNGE CHADEMA  SIMIYU ATOA MSAADA WA VITI VYENYE THMANI YA SHILINGI ZAIDI YA MILLIONI MBILI.

Katika kuboresha miundombinu ya chama mbunge wa viti maalumu CHADEMA mkoa wa Simiyu Gimbi Masaba ametoa msaada wa viti 150 vya plastiki vyenye thamani ya shilingi 2,475,000 katika ofisi ya kata ya Luguru.

Akikabidhi viti hivyo kwa wananchama hao wilaya ya Itilima   mbunge huyo alisema kuwa ameamua kutoa msaada huo kwa lengo la kuimalisha chama kwani kata hiyo ilikuwa ikikumbwa na vifaa vya chama vikiwemo viti vya kukalia pale panapokuwepo mikutano.

“Nimeweza kutoa viti hivi lakini vitaendelea kusaidia wanachama wa chama cha CHADEMA pia vitaweza kutatua changamoto kubwa popote pale panapofanyika mkutano wa chama” alisema Mbunge huyo.

Kabla ya kukabidhiwa msaada huo kiliendelea kikao cha ndani kwa ajili ya kuzungumzia mstakabali wa chama hico baada ya uchaguzi wa mwaka jana ambapo kikao hicho kimeweza kupatanisha viongozi mbalimbali ambao walikuwa na mpasuko mkubwa kutokana na makundi yaliyokuwepo kipindi cha uchaguzi.

Aidha wananchama hao wameaswa kuendela kusoma mara kwa mara katiba ya chama hicho kwa lengo la kufuata maadili ya chama ikiwa ni pamoja na kuondokana na makundi yasiyokuwa ya misingi kwani wakati wa siasa umeisha bali kwa sasa waweze kufanya kazi kwa ajili ya maendeleo ya wananchi wao.

Kikao hicho kimeweza kushirikisha madiwani walishinda uchaguzi wa mwaka jana na walioshindwa wenyeviti wa vijiji, makatibu kata na wenezi kata kwa lengo la kufanya tathimini na kubaini changamoto zilizowafanya kushindwa.

Hata hivyo katika kikao hicho mbunge wa viti maalumu chadema mkoa wa simiyu Gimbi Masaba alisema kuwa atahakikisha anatumia mshahara wake kwa lengo la kujenga chama ambapo alisema kuwa kwa kuwa chadema walilenga kuwa wkishinda urais wenyeviti wa vijiji wangeweza kulipwa mshara hivyo amesema kuwa wenyevitikutoka wilaya ya Itilima mkoani humo takribani 52 atahakikisha kila mwezi anawalipa shilingi 20,000 huku akitoa ahadi ya pikipiki moja kwa mwenezi wa chama wilaya ya Itilima Masuke Gubi .

“Mimi sina mfuko wa jimbo lakini niatendelea kutumia mshahara wangu kwa lengo la kujenga chama” alisema Gimbi.