SOMANDA YAKABILIWA NA UPUNGUFU WA DAWA NA VIFAA TIBA.


PICHA YA MBUNGE WA VITI MAALUMU MKOA WA SIMIYU GIMBI MASSABA AKIONGEA NA MMOJA KATI YA MAMA AMBAYE ANAMUUGUZA MTOTO WAKE JANA ALIPOTEMBELEA HOSPITALI YA SOMANDA MJINI BARIAD.

Katika kuboresha sekta ya Afya pamoja na utendaji kazi wake serikali imeombwa kutoa dawa kwa wakati ili kuondoa changamoto ya upungufu wa madawa pamoja na vifaa tiba vikiwemo vifaa vya kupimia damu ili kubaini maambukizi ya magonjwa aina mbalimbali, vikiwemo virusi vya Ukimwi katika Hospitali ya Somanda Halmashauri ya Mji wa Bariadi Mkoani Simiyu.

Hayo yamebiainika katika ziara ya Mbunge wa viti maalumu CHADEMA Mkoa wa Simiyu Gimbi Massaba alipokuwa anatembelea Hospitalini hapo kwa lengo la kubaini changamoto zinazoikabili Hospitali hiyo kwa lengo la kuzizungumzia changamoto hizo pale bunge la jamhuri ya muungano wa Tanzania litakapoaanza rasmi.

Katika zira hiyo ambao inaendelea Mkoani hapa mbunge huyo ameweza kutmbelea hodi ya Watoto, pamoja na wazazi huku akitoa msaada wa mafuta ya kujipaka, Dawa ya Meno, Miswaki,sabuni za kufua pamoja na Maji ya kunywa huku akitumia fursa hiyo kuomba serikali kkuliona jambo ili kupunguza changamoto na kulalamika kwa wananchi ho.

“Hiki kilio cha upungufu wa madawa sasas kimekuwa kilio cha kila siku hivyo serikali ya magufuli haina budi kujipanga kikamilifu ikiwa ni pamoja na kuleta dawa kwa wakati na dawa za aina zote ili kuwapunguzia ghala ambazo siyo za lazima wanachi wangu” alisema Mbunge.

Hata hivyo mbunge huyo katika kuzunguka kwenye hodi ya wazazi amekutana na mama mmoja anayejulikalikana kwa jiana la stella john mkazi wa Bariadi mjini ambaye amepigiwa vikali na mmewe huku akiwa na ujauzito wa miezi tisa suala ambalo linaweza kusababisha mama huyo kutojifungua salama na kulilaani vikali huku akiomba serikali kukemea vitendo vya ukatili wa kijinsia pamoja na mfumo dume na elimu zikitolewa maeneo ya vijijinini.

Serikali kwa kushirikiana na mashirika mbalimbali hawana budi kutilia mkzo suala la kupinga mfumo dume ambao umejikita hapa kwa mkoa wa simiyu bado Elimu hiko chini hivyo Elimu ikitolewa vyema ukatili wa kijinsia utapungua kama maeneo mengine.

Saidi Mlowosha ni kaimu mganga mkuu akitaja changamoto zinzowakabili alisema serikali haina budi kutatua suala zima za upungufu wa madawa pamoja na vifaa tiba ili kuondoa lawama kwa wananchi.

“Sisi tunafuata sheria za manunuzi na kanda ya ziwa tunachulia mwanza Msd lakini unakuta baadhi ya dawa hazipo na hatuna ruhusa ya kununua dawa nje hata Msd mwanza mpaka wapate kibali kutoka makao makuu na inachukua mda hivyo serikali iliangalie suala hilo ili kuokoa maisha ya watanzania wote make kilio hiki ni Nchi nzima” alisema Kaimu Mganga mkuu.

Nao baadhi ya wananchi waliopokea msaada huo wamezidi kutoa shukrani kwa mbunge huyo huku wakipongeza wataalamu kuwa wanatoa huduma kwa wakati japokuwa changamoto ya ukosefu wa baadhi ya dawa ndo kubwa suala ambalo linapelekea kwenda kununua dawa maduka ya binafsi

“Tatizo kubwa hapa ni upungufu wa madawa suala ambalo linapelekea kupimwa na kuelekezwa kwenda kununua madawa katika maduka ya watu binafsi serikali ya magufu sikiliza kilio cha wananchi” walisema wananchi ho.

…….Mwisho……